Alavesek garaipena lortu du Deportivoren aurka eta jaitsieratik gehiago aldendu da
Alavesek 1-0 irabazi dio Deportivori Mendizorrotzan larunbat honetan eta garaipen honi esker, Arabako taldeak jaitsiera postuetatik aldentzea lortu du. Hamar puntuko aldea ateratzen dio Alavesek 18. postuan (jaitsiera postua) dagoen Las Palmasi.
Hasieratik bizi eta erasokor atera da Alaves Mendizorrotzako berdegunera. Lehen abagunea 3. minutuan izan du etxeko taldeak, baina Laguardiaren errematea kanpora joan da. Hiru minutu beranduago, abagune oso argia izan du Alavesek; Ruben Duarteren erremateak, ordea, zutoina jo du. Neurketako 11. minutuan etorri da Deportivoren erantzuna Albentosaren erremate baten bitartez eta 17. minutuan Bakkaliren jaurtiketa kanpora joan da, zutoina jo ostean. Abagune horien ostean, lehia parekatu egin da, eta bi taldeetako batek ere ez du gola sartzeko aukera argirik sortu.
Bigarren zatiaren hasieratik saiatu da Alaves partidan aurrea hartzen eta lehen minutuetan Manu Garcia gola sartzetik gertu egon da. Erasora jo du Abelardok zuzentzen duen taldeak atsedenaldiaren ostean eta 60. minutuan jaso du saria, ate barrura joan den Munirren jaurtiketa baten bitartez (1-0). Golak min egin dio Deportivori eta Alaves nagusi izan da aurrea hartu ostean. Kontrolpean izan du neurketa Arabako taldeak eta bigarren gola sartzeko abagunea izan du Ruben Sobrinok 77. minutuan; Alaveseko aurrelaria ez da Pedrazak eman dion pasera iritsi, oso gutxigatik. Deportivo lur jota egon da, eta azken minutuetan ere ez du sortu neurketa berdintzeko aukerarik.
Fitxa teknikoa:
1 - Alaves: Pacheco; Martín, Ely, Laguardia, Duarte; Ibai Gomez (Hernan Perez, min. 82), Manu Garcia, Pina, Pedraza; Munir (Medran, min. 87) eta Guidetti (Sobrino, min. 71).
0 - RC Deportivo: Ruben Martinez; Juanfran, Albentosa, Boveda (Celso Borges, min. 82), Luisinho; Guilherme, Krohn-Dehli (Mosquera, min. 64); Lucas Perez, Adrian Lopez, Bakkali (Fede Cartabia, min. 73); eta Florin Andone.
Gola: 1-0, min.60: Munir.
Epailea: Melero Lopez.
Zure interesekoa izan daiteke
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.