Alavesek ez du ezustekorik nahi Formenteran
Alavesek Errege Kopako final-zortzirenetako joaneko partida jokatuko du gaur Formenteraren aurka, 19:00etan, Sant Francesc Udal Estadioan.
Hartara, emaitza positibo bat eskuratzeko asmoz doaz gasteiztarrak Balearretara, bueltako norgehiagokari abantailarekin heldu ahal izateko, oroitzapen onak ekartzen dizkien lehiaketan, joan zen urtean finalera heltzea erdietsi ostean.
Abelardo Fernandez babazorroen entrenatzaileak jokalari gehiago izango ditu erabiltzeko moduan, min hartuta zeuden zenbait sendatu egin baitira. Horrenbestez, aldaketak egingo ditu lerro guztietan, besteak beste, Antonio Sivera atezain gaztea.
Entrenatzaile asturiarrak 16 jokalariko deialdia osatu du, eta hasierako hamaikakoetan hain ohikoak ez diren jokalariei emango die aukera. Egoera horretan daude Ruben Sobrino eta Rodrigo Ely sendatu berriak, baita harrobiko zenbait jokalari ere.
Izan ere, Gasteizen geratu dira Alexis Ruano, Burgui, Alfonso Pedraza edota Tomas Pina jokalariak, eta haien lekua hartu dute bigarren taldeko fitxa duten Dieguez, Victor eta Demirovic jokalariek.
Gasteiztarrak Getafe atzean utzi eta gero helduko dira norgehiagokara (0-1, Madrilen; 3-0, Gasteizen).
Bere aldetik, etxeko taldeak moralez beteta eta aurreko kanporaketan Athleticen aurka egindako balentria Alavesen aurrean errepikatzeko gai direla sinetsita ekingo dio lehiari.
Horretarako, baina, 3.000 zale hartzeko prest dagoen bere zelaian aldeko emaitza lortu beharko du, kanporaketa Mendizorrotzara bizirik hel dadin.
Alavesen aurrean, Garcia Sanjuan Formenterakoen entrenatzaileak ezin izango ditu lesionatuta dauden Kinsgley Fobi eta Dailos Tejera jokalariak erabili, eta zalantza izango dira azken unera arte Maikel Romero eta Joseba Garmendia.
Formenterak lehen aldiz ari da Bigarren B mailan jokatzen, eta hamargarren postuan dago maila horretako III. multzoan, 25 punturekin.
Balizko hamaikakoak:
Formentera: Marcos, Bonilla, Agus, Rosa, Samu, Crespo, Omar, Nando, Juan Antonio, Garmendia o Muñiz eta Riera.
Alaves: Sivera; Martín, Ely, Maripán, Diéguez; Wakaso, Torres; Ibai, Medrán, Demirovic o Sobrino eta Bojan.
Epailea: Alejandro José Hernández Hernández
Zelaia: Estadio Municipal de Sant Francesc
Ordua: 19:00.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.