Munirren golak hiru puntu eman dizkio Alavesi Malaga ahul baten aurrean
Munir El Haddadik urrezko hiru puntu eman dizkio Alavesi Malagaren aurkako garaipeneko gol bakarra eginda. Bi taldeak buru-belarri sartuta daude jaitsierako postuetatik ihes egiteko lehian.
Hain zuzen, eta garaipen honi esker, gasteiztarrak sailkapeneko azken hiru postuetatik atera dira. Coruñako Deportivok hartu du arabarren lekua, jardunaldi honetan jokatzen duten partidaren emaitzaren zain.
Emaitza zabalagoa izan zitekeen zelaian ikusitakoaren arabera. Alavesek erasora jokatu du, eta Munirrek hainbat aukera izan ditu gol bat baino gehiago sartzeko.
Malaga, berriz, lehen zatian baloiaren kontrola izaten saiatu da, baina Alavesen abiadurak estualdi bat baino gehiago sortu dio, eta arabarrak nagusia izan dira, nabarmen, bigarren zatiaren lehen ordu erdian.
Munirrek bi aukera oso argi izan ditu lehen ordu laurdenean, baina Malagako atezainak bikain erantzun die aurrelariaren erremateei.
Atsedenaldiaren atarian, Michelen taldeak erasora jo du eta baloi jabetza luzeak izan ditu, baina arrisku handirik sortu gabe.
Gola, 60. minutuan
Bigarren zatian, Alavesek partidako gol bakarra egin du. Munirrek baselina polita egin eta Roberto atezaina gainditu du, Mendizorrotzako ikusleen zoramenerako.
Azken minutuetan, andaluziarrak banakoa lortzen saiatu dira baina Abelardoren taldeak sendo eutsi dio defentsari eta hiru puntuan Gasteizen geratu dira.
Fitxa teknikoa
1-. Alaves: Pacheco; Martín, Alexis, Maripán, Duarte; Manu García, Pina; Ibai, Burgui (Bojan, 76. min), Pedraza (Wakaso, 87. min); eta Munir (Santos, 83. min).
0-. Malaga: Roberto; Luis Hernández, Baysse, I. Miquel, Diego González (Ricca, 55. min); Ontiveros, Recio, Kuzmanovic (Mula, 76. min), 'Chory' Castro; D. Rolán eta Peñaranda (Borja Bastón, 65. min).
Gola: 1-0, M. 60: Munir.
, M. 60: Munir.Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.