Alavesek estuasunetan jarri du Real Madril baina zigor handia jaso du
Alavesek 3-0 galdu du Real Madrilen aurka igande honetan Santiago Bernabeu zelaian. Porrot honekin, Arabako taldea Europako postuetatik urrundu da, eta LaLigako sailkapenaren erdialdean dago 40 punturekin.
Partida erasokor hasi du Real Madrilek Cristiano Ronaldoren jaurtiketa batekin, baina Alaves ez da kokildu eta lehen abisua eman du 10. minutuan Zidanek zuzentzen duen taldeko defentsa-lerroari lan egin arazita. Ondoren, etxeko taldea egin da baloiaren jabe, baina Alavesek ez du gehiegi sufritu. Benzemak area kanpotik egin duen jaurtiketa gora joan da; 24. minutuan Iscok jokaldi ikusgarria egin eta gora bidali du errematea; 26. minutuan, aldiz, Cristiano Ronaldo maisuki atzean utzi du Toquero, area barruan sartu eta bere jaurtiketa ondo geratu du Pacheco atezainak. Real Madril ekinean ibili da, eta 31. minutuan lortu du lehen gola sartzea. Carvajalek hegaletik barnekaldia egin, atzera pasea eman eta Karim Benzemak 1-0ekoa sartu du baloia sare barrura bultzatuta. Atsedenaldira iritsi baino lehen Danilok erdiraketa egin du, eta Gareth Baleren errematea kanpora joan da gutxigatik.
Bigarren zatian Alaves jaun eta jabe izan da. Real Madril ezinean ibili da, eta Pellegrinok zuzentzen duen taldeak berdinketaren gola lortzeko abagune pila bat izan ditu. Lehen minutuetan Deyversonek ez du asmatu errematea sare barrura bidaltzen Casilla atezainaren huts baten ostean eta 60. minutuan Edgarren boleakada oso gutxigatik kanpora joan da. Alaves baloiaren jabe izan da eta Real Madril menpean izan du. Norgehiagokako 66. minutuan Deyversonek, buruz, kanpora bidali du baloia. Real Madrilen erantzuna hurrengo minutuan etorri da, baina Cristiano Ronaldok ez du asmatu Pacheco atezainaren ate aurrean. Abagune ona izan du Alavesek 70. minutuan, baina bere burukada oso gutxigatik ez da sare barrura joan. Hamabi minutu beranduago Baleren erremateak sarea jo du, baina kanpoaldetik. Norgehiagokako 85. minutuan, ordea, etxeko taldeak partida erabakita utzi du Iscok sartu duen 2-0ekoarekin. Ia jarraian, 88. minutuan, Baleren falta jaurtiketak langa jo eta aldaratzean Nachok 3-0ekoa sartu du Pacheco atezaina gaindituta. Neurketa erabakita geratu da azken bi gol horiekin. Hala ere, Alavesek markagailua txukuntzeko aukera izan du azken minutuan; Rodrigo Elyren errematea, ordea, gutxigatik kanpora joan da.
Fitxa teknikoa:
3 - Real Madril: Casilla; Danilo, Varane (Carvajal, m.10), Pepe, Nacho; Kroos, Modric (Kovacic, m.68), Isco; Bale, Cristiano Ronaldo eta Benzema (Lucas Vazquez, m.81).
0 - Alaves: Pacheco; Ely, Laguardia, Feddal, Theo; Manu García, Camarasa (Santos, m.83), Edgar (Katai, m.75), Toquero, Ibai (Romero, m.69) eta Deyverson.
Golak: 1-0, m.31: Benzema. 2-0, m.85: Isco. 3-0, m.88: Nacho.
Epailea: Jose Maria Sanchez Martinez.
artinez.Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.