2030eko Munduko Futbol Txapelketa Espainian, Portugalen eta Marokon jokatuko dute
2030eko Munduko Futbol Txapelketa Espainian, Portugalen eta Marokon jokatuko dute, asteazken arratsaldean Espainiako Futbol Federazioak eta Hego Amerikako Futbol Konfederazioak baieztatu dutenez. Txapelketako inaugurazio partidak, dena den, Argentinan, Uruguain eta Paraguain izango dira. Donostia eta Bilbo ere izan litezke egoitzak; izan ere, Reale Arena eta San Mames 2030eko Munduko Txapelketako neurketak jasotzeko aukerak dituzten zelaien aurreneko zerrendan daude.
Espainiak, Portugalek eta Marokok elkarrekin aurkeztu duten hautagaitza 2030eko Munduko Txapelketa antolatzeko hautagai bakarra da, asteazkenean FIFAren Kontseiluak hartutako erabakiaren ostean. Beste proposamen bat ere bazegoen, Argentinak, Uruguaik eta Paraguaik osatutakoa, baina hautagaitza hori aukeraketa prozesutik at gelditu da. Nazioarteko futbola zuzentzen duen erakundeak, baina, Hego Ameriketako proiektua ere saritu nahi izan du; izan ere, 2030ean 100 urte beteko dira Munduko Txapelketa estreinakoz egin zutenetik, Uruguain, 1930ean.
Hala, Espainiaren, Portugalen eta Marokoren hautagaitzak pozik hartu du esleipena, eta hitzeman du 2030eko Munduko Txapelketa "gogoangarria" izango dela, "inoizko txostenik onena prestatzeko eskakizuna eta anbizioa" baititu.
"Espainiak, Portugalek eta Marokok bermatzen dute hautagaitza txostenik onena aurkezteko lan egingo dutela, Munduko Txapelketa gogoangarria izan dadin. Txapelketan aniztasuna ohoratu nahi dugu eta torneoaren historia ospatu. Futbolarekiko pasioak hiru herrialdeak batu ditu", adierazi dute elkarrekin zabaldu duten oharrean.
Conmebol Hego Amerikako Futbol Konfederazioko presidente Alejandro Dominguezek, bere aldetik, X sare sozialean nabarmendu duenez, "sinetsi" egin zuten, eta horrek emaitza izan du azkenean: "2030eko Munduko Txapelketa, Mendeurrenaren Munduko Txapelketa, dena hasi zen tokian hasiko da. Uruguaik, Argentinak eta Paraguaik hartuko dituzte inaugurazio partidak!".
Gerora emandako prentsaurrekoan, Dominguezek iragarri du txapelketa Montevideon hasiko dela, Centenario futbol zelaian.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).