Puntu banaketa Alavesen eta Athleticen artean, derbi oso parekatuan (1-1)
Alavesek eta Athleticek puntuak banatu dituzte (1-1) igande honetan Mendizorrotzan jokatu den EA Sports Ligako 17. jardunaldiko euskal derbian. Unai Gomezek aurretik jarri ditu zuri-gorriak lehen zatian, baina Joan Jordanek berdinketa jarri du bigarrenean.
Derbia parekatuta hasi da, bi taldeek baloia patxadaz eta presarik gabe zutela. Babazorroek izan dute lehen aukera Kike Garciaren jaurtiketa batekin, eta lehoiek Nicoren jaurtiketa batekin eraman dute arriskua ondoren, baina gora joan dira biak.
Laster, balantzak Athleticen alde egin du Unai Gomezen golarekin. Williamsek pase ona eman dio, bermeotarrak Sivera gaindi zezan buruz burukoan (0-1).
Jokoak zuri-gorrien nagusitasunarekin jarraitu du lehen zatian, baina ez dute hainbeste arrisku sortu ate aurrean. Era berean, Alavesek baloia izan du eta zuloak bilatu ditu min egiten saiatzeko, batez ere eskuin hegaletik, Carlos Vicenterekin.
Etxeko taldearen aukerarik arriskutsuena Guridik izan du, baina Vivian garaiz agertu da bere taldea orpoz aldaratzeko.
Bigarren zatia hasi eta berehala, Berenguerrek markagailuan aldea handitzeko aukera izan du Nicoren erdiraketa baten ostean.
Unai Simonek huts egin du ondoren, Alavesi berdinketaren gola emanez. Guridik area kanpotik egin du jaurtiketa, atezain zuri-gorriak gelditu egin du, baina baloiak ihes egin dio eskuetatik, eta Jordanek baloia sare barrura bidaltzeko aprobetxatu du (1-1).
Golarekin, etxekoek aurrerapausoa eman dute markagailua iraultzeko, ondo defendatu den eta maila berean jokatzen jarraitu duen Athleticen aurka.
Azken txistuarekin, puntu banaketa Mendizorrotzan.
Fitxa teknikoa:
1 - Alaves: Sivera; Tenaglia, Abqar, Mouriño, Diarra; Blanco (Guevara, 72. min), Jordan; Vicente, Carlos Martín (Stoichkov, 61. min), Guridi; eta Kike Garcia.
1 - Athletic: Simon; De Marcos, Vivian, Paredes, Adama (Berchiche, 46. min); Ruiz de Galarreta (Vesga, 78. min), Jauregizar; Berenguer (Guruzeta, 60. min), Unai Gomez (Sancet, 60. min), Nico Williams (Djalo, 78. min); eta Iñaki Williams.
Golak: 0-1, 10. min: Unai Gomez. 1-1, 67. min: Jordan.
Epailea: Sanchez Martinez. Txartel horia atera die Blanco, Tenaglia, Adama eta Yuriri.
Zure interesekoa izan daiteke
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Eibar garaipenaren bidera itzuli da Levante azken sailkatua garaituta (2-1)
Hamaika jardunaldi garaipenik lortu gabe zeramatzan Eibarrek 2-1 irabazi dio Levante ligako azken sailkatuari Ipuruan, eta, horrenbestez, bere bolada txarrari amaiera dio. Iarak eta Garazik sartu dituzte armaginen golak. Eunate Astralagak, berriz, geldiketa erabakigarriak egin ditu, tartean penalti bat.
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Rochdaleko eromenetik Yorkeko estasira, igoerarik sinesgaitzena 103. minutuan
National Leaguek (Ingalaterrako Bosgarren Maila) futbolaren historiako amaierarik sinesgaitzenetako bat utzi du. York Cityk futbol profesionalera igotzea lortu du 103. minutuan sartutako golari esker, Rochdalek 95. minutuan egindako golarekin garaipena eskuratuta zuela pentsatu eta gero.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Athletic nahi eta ezin aritu da Granadaren aurka Lezaman (1-2)
Athleticek 1-2 galdu du Granadaren aurka Lezaman jokatu duen partida. Andaluziako taldea oso eraginkorra izan da, eta 0-2 aurreratu da markagailuan. Talde zuri-gorriari asko kostatu zaio Granadaren atea zulatzea, eta gola luzapenean sartu du. Ane Elexpuruk egin du.
Matarazzo: “Sendo amaitu nahi dugu denboraldia"
Pelegrinno Matarazzok adierazi du "oso garrantzitsua" dela denboraldia "ahalik eta hobeto" bukatzea, "hurrengoa ondo hasteko". Horrela, bada, Reala larunbat honetan Rayo garaitzen saiatuko dela ziurtatu du.
Lisci: “Biharkoa urteko partidarik garrantzitsuena da"
EA Sports Ligako 32. jardunaldian Sevillaren aurka jokatuko duten partidari buruz hitz egin du Osasunako entrenatzaileak.
Bautistak igoera postuetarantz gidatu du Eibar Albaceten (0-3)
Aurrelari armaginaren 'hat-trick' batek garaipena eman dio talde gipuzkoarrari, play-off postuetan kokatuz.