Alavesek markagailua irauli du Realaren aurka, Reale Arenan, eta derbia irabazi (1-2)
Alavesek Reala menderatu du, 1-2 irabazita, Reale Arenan, Donostian, 2024-25 denboraldiko EA Sports Ligako 3. jardunaldiko euskal derbian, asteazken gauean. Brais Mendezek egin du 1-0ekoa, 33. minutuan, Realarentzat, Asier Villalibrek, penaltiz, berdinketa jarri du, Alavesen aldetik, atsedenaldira joan aurretik eta, 77. minutuan, Toni Martinezek sartu du azken gola, 1-2koa. Reala hamar jokalarirekin aritu da neurketan, 29. minututik, epaileak Mikel Oyarzabal zuzenean kanporatu baitu, txartel gorria aterata.
Lehenengo zatia bizi-bizia izan da, bi taldeak hasieratik ibili baitira golaren bila. 29. minutuan jazotakoak markatu du, nolanahi ere, aurreneko zati hori. Orduan, baloia zelai erdian zegoela, Mikel Oyarzabal eta Carlos Benavidez lurrera joan dira, lehia batean; Sanchez Martinez epaileak, hasiera batean, Realaren aldeko falta adierazi du, eta txartel horia atera dio Alaveseko futbolariari. Jokaldia VARen berraztertuta, baina, Alavesen aldeko falta adierazi du, baliogabetu egin du Benavidezi ateratako txartel horia, eta Realeko kapitaina kanporatu du, txartel gorria erakutsita.
Hamar jokalari zituela, talde txuri-urdinak aurrea hartu du markagailuan, Brais Mendezen eskutik; erdilariak, area txikian, Sergio Gomezek egindako erdiraketa bikaina errematatu du, 33. minutuan.
Luzapenean, Alavesen aldeko korner batean, Igor Zubeldiak elastikotik heldu dio Abqarri, area barruan; Asier Villalibrek hartu du bere gain penaltia jaurtitzeko ardura, eta sareetera bidali du baloia.
Markagailua berdinduta, eta Reala hamarrekin zebilela, bigarren zatian protagonista nagusia Toni Martinez izan da. Alavesek asteartean iragarri zuen aurrelariaren fitxaketa; 70. minutuan zelairatu da, eta segituan izan da goletik oso gertu. Bigarrenean, baina, ez du hutsik egin, eta, 77.ean, 1-2koa sartu du. Horrenbestez, Luis Garcia Plazaren taldeak garaipena eskuratu du.
Fitxa teknikoa
1 - Reala: Remiro; Traore, Zubeldia (Olasagasti, 81. min), Pacheco (Jon Martin, 46. min), Javi Lopez; Zubimendi, Sergio Gomez (Marin, 81. min), Brais Mendez (Turrientes, 81. min); Kubo, Oyarzabal eta Becker (Sadiq, 66. min).
2 - Alaves: Sivera; Novoa, Abqar, Pica, Diarra (Manu Sanchez, 63. min); Guevara, Benavidez, (Stoickhov, 46. min), Guridi; Vicente (Blanco, 90+1. min), Villalibre (Kike Garcia, 63. min) eta Rebbach (Toni Martinez, 70. min).
Golak: 1-0, 33. min: Brais Mendez; 1-1, 45+5. min: Villalibre (p.); 1-2, 77. min: Toni Martinez.
Epailea: Jose Maria Sanchez Martinez (Murtzia). Mikel Oyarzabal kanporatu du, zuzenean, txartel gorria aterata. Realeko Pacheco, Zubeldia, Kubo eta Jon Martin eta Alaveseko Stoickhov, Rebbach, Sivera eta Manu Sanchez zigortu ditu, txartel horia aterata.
Gertakizunak: 32.220 zale, Reale Arenan. Isiluneko minutua izan da, Jose Antonio Urtiaga Realeko jokalari ohiaren heriotzagatik.
Zure interesekoa izan daiteke
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
Urrezko Baloia: Unai Simon atezainik onenaren sarirako eta Mikel Arteta eta Unai Emery entrenatzailerik onenaren sarirako izendatu dituzte
Athleticeko atezainak, munduko txapelduna bera, Yashin Garaikurrerako izendatu dute, 2024an bezala; Arsenaleko eta Aston Villako entrenatzaileek, 2025-2026 denboraldian, Ingalaterrako Liga eta Europa Liga irabazi zituzten, hurrenez hurren.
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek Osasuna airean ibili du, Lucas Boyek partida ikusgarria eginda (5-2)
Alavesek ondo merezita irabazi du Osasunaren aurkako derbia Mendizorrotzan, eta bigarren kokatu da ligako sailkapenean. Lucas Boye izan da protagonista nagusia, hiru gol sartuta. Talde gorritxoaren bi golak, berriz, Ante Budimirrek egin ditu.