Athletic garaile Eibarren aurkako euskal derbian (0-2)
Athleticek 0-2 irabazi dio Eibarri Ipuruan jokatutako F Ligako 25. jardunaldiko euskal derbia. Ondorioz, zuri-gorriek Txapeldunen Ligara sailkatzeko lehian jarraitzen dute, 44 punturekin, eta armaginak sailkapeneko 11. postuan daude, 26 punturekin.
Hasieratik baloiaren jabe egin da talde armagina. Hala ere, bi taldeei asko kostatu zaie abagune argiak sortzea. Gola sartzeko lehen aukera Eibarrek izan du, 18. minutuan, baina Espe Pizarrok area barrutik egindako errematea Nanclares atezainak desbideratu du kornerrera. Athleticen erantzuna 27. minutuan heldu da; Nahikari Garciak ateratako kornerraren ostean Azkonak egindako errematea Miralles atezainak gelditu du.
Lehen zatiko azken minutuetan, bi taldeak gola egiten saiatu dira, baina defentsak aurrelariei gailendu zaizkie.
Atsedenaldiaren ostean, erasokor zelairatu da Eibar, baina Athleticek sartu du partidako lehen gola, 53. minutuan: Carla Andres talde armagineko jokalariak huts egin du baloia aldentzerakoan, eta oparia Azkonak baliatu du area txikitik egindako errematearekin Miralles gainditzeko (0-1).
Zuri-gorriek gola sartu ostean, parekotasuna izan da nagusi. Abaguneak urriak izan dira bi taldeentzat. Azken unera arte, emozioa izan du derbiak. Eibarrek berdintzeko aukera izan du 80. minutuan, abagune bikoitzarekin: lehenengo, Maddi Torre gurutzatu da Andrea Alvarezen jaurtiketa desbideratzeko, eta, gero, Nanclaresek gelditu du Elbarren errematea.
Luzapenean, Annelie Leitner Eibar taldeko jokalariak saiakera egin du area barrutik jaurtita, baina Athleticeko atezainak ondo harrapatu du baloia. Ia jarraian, 93. minutuan, Jone Amezagak erabakita utzi du derbia, 0-2koa sartuta; jokalari zuri-gorriak bikain amaitu du kontraerasoko jokaldia.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.