Alavesek eta Osasunak puntuetan berdinduta ekingo diote derbiari, gorantz egiteko helburuarekin
Alavesek eta Osasunak elkarren aurka jokatuko dute igande honetan, urriaren 1ean, Mendizorrotzan. Euskal derbia 16:15ean hasiko da, eta EA Sports Ligako 8. jardunaldiari dagokio.
Neurketa festa handia izango da. Izan ere, ez dago sarrerarik talde gorritxoaren aurkako partidarako. Athleticen kontrako derbia jokatu eta astebetera, Gasteizko taldearen feudoak "sarrerarik ez" dioen kartela zintzilikatuko du bigarrenez.
Bestalde, bi taldeak sailkapenaren erdialde-behealdean heldu dira hitzordura, 7na punturekin. Osasuna sailkapeneko hamalaugarren postuan dago, eta Alaves hamabosgarrenean, aldeko 6 golekin eta kontrako 10ekin. Beraz, babazorroen eta gorritxoen helburua izango da irabaztea, taularen erdialdera igotzeko.
Azken jardunaldian, Alavesek puntu baliotsua bereganatu zuen Balaidosen, Celtarekin bana berdindu ostean. Babazorroek markagailua berdindu behar izan zuten Rafa Marinek lehen zatian bere atean sartu zuen zoritxarreko golaren ostean. Eta igande honetarako kontsigna argia da: garaipenaren bidera itzultzea Mendizorrotzako feudoan. Aurtengo zazpi puntuetatik sei etxean lortu dira.
Osasuna, bere aldetik, 0-2 galdu zuen ostegun gauean, Sadarren, Atletico Madrilen aurka. Partida Martinez Munuera epaileak hartutako erabaki polemiko eta eztabaidagarri batek markatu zuen. Gainera, Arrasatek txartel gorria ikusi zuen epaileari protesta egiteagatik, hark gorritxoen gola baliogabetu ostean, eta bi neurketako zigorra ezarri diote. Bada, haserrea energia bihurtuz, nafarrak etxetik kanpo hiru puntuak eskuratzeko asmoz joango dira Gasteizera.
Bi taldeek jokatu zuten azken norgehiagoka, aldiz, denboraldiaurreko partida izan zen, abuztuaren 4an Taxoareko kirol instalazioetan jokatu zena. Orduko hartan, Alavesek 2-3 irabazi zion Osasunari.
Ustezko hamaikakoak:
Alavés: Sivera; Rubén Duarte, Rafa Marín, Abdel Abqar, Nahuel Tenaglia; Benavidez, Guridi, Antonio Blanco; Luis Rioja, Kike Rioja, Xeber Alkain.
Osasuna: Sergio Herrera; Johan Mojica, Catena, David García, Ruben Peña; Jon Moncayola, Aimar Oroz, Iker Muñoz; Rubén García, Raúl García de Haro, Kike Barja.
Epailea: Jorge Figueroa Vázquez.
Estadioa: Mendizorrotza.
Ordua: 16:15
Zure interesekoa izan daiteke
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
