Lete, Schulze, Hernandez eta Oroz, Australian jokatuko den Nazioen Koparako deialdian
Elene Lete (Reala), Bibiane Schulze (Athletic), Oihane Hernandez (Athletic) eta Maite Oroz (Real Madril) deitu ditu Jorge Vildak Australian jokatuko den Nazioen Kopa jokatzeko. Zumarragakoa eta Bad Sodenen (Alemania) jaiotakoa lehen aldiz sartu dira Espainiako selekzio nagusiaren deialdian.
Mariasun Quiñones (Athletic), Ana Tejada (Reala) eta Alejandra Bernabe (Reala) deialditik kanpo geratu dira.
Irailean Espainiako selekzioari uko egin zioten hamabost jokalarietako inor ez da ageri deialdian. Jenni Hermoso, ordea, berriro deitu du Vildak, aurreko bi deialdietan kanpoan utzi ostean. Selekzioari uko egin ez bazion ere, madrildarrak babesa eman zien selekzioari uko egin zioten hamabost jokalariei.
Txapelketa otsailaren 13a eta 22a bitartean jokatuko da, eta hiru partida izango dituzte. Otsailaren 16an, Jamaika izango dute aurkari, Industree Group Stadiumen, 16:30ean (Australiako ordua). Otsailaren 19an, berriz, Australia izango dute aurkari, 18:00etan. Azkenik, Txekiaren aurka arituko dira hilaren 22an, 15:00etan.
Deialdi osoa
Atezainak: Misa Rodríguez (Real Madril), Enith Salon (Valentzia) eta Elene Lete (Reala).
Atzelariak: Sheila Garcia (Atletico Madril), Olga Carmona, Ivana Andres eta Rocio Galvez (Real Madril), Paula Tomas eta Maria Mendez (Levante); Bibiane Schulze eta Oihane Hernandez (Athletic) eta Laia Codina (Bartzelona).
Erdilariak: Tere Abelleira, Claudia Zornoza eta Maite Oroz (Real Madril), Marta Carro eta Fiamma Benitez (Valentzia) eta Irene Guerrero (Atletico Madril).
Aurrelariak: Athenea del Castillo eta Esther González (Real Madril), Marta Cardona eta Eva Navarro (Atletico Madril), Salma Paralluelo (Bartzelona), Alba Redondo (Levante) eta Jenni Hermoso (Pachuca).
Zure interesekoa izan daiteke
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Oliver Glasner, Crystal Palace taldeko entrenatzailea: “Ez dakit zer ematen dieten jaten euskal entrenatzaileei”
Austriarrak Londreseko Crystal Palace taldea zuzentzen du, eta, asteazkenean, Iñigo Perezen Rayo Vallecano izango du aurkari Konferentzia Ligako finalean; Glasnerrek Iñigo Perez bera, Unai Emery edo Mikel Arteta, besteak beste, izan ditu hizpide.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Irene Paredes, Txapeldunen Liga irabazita eta Realaren aurka jokatu aurretik: “Fisikoki, denboraldi oso txukuna egin dut”
Bartzelonako jokalari gipuzkoarrak, berriro ere, Txapeldunen Liga eskuratu du, bere taldearekin. Moeve F Liga modurik onenean amaitu nahi du; asteazkenean, 19:00etan, Kataluniako taldeak Reala jasoko du, eta EITBk zuzenean emango du neurketa hori.
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Sara Martinek Eibarrekin duen kontratua luzatu du, 2026-2027 denboraldirako
Aurrelaria 2025ean iritsi zen talde armaginera, Real Madriletik, eta, Eibarreko jokalari gisa eman duen lehen denboraldian, 1.600 minututik gora jokatu ditu.