Putellas eta Lewandowski, nagusi 'The Best' sarietan
Alexia Putellas eta Robert Lewandowski dira 'The Best' sarietako irabazleak. FIFAk astelehen honetan (urtarrilak 17) aukeratu ditu 2021eko jokalari onenak Zurichen (Suitza) duen egoitzan egin den ekitaldian.
Putellas Bartzelona taldeko jokalaria izan da 2021eko izar nagusia. Barçarekin Primera Iberdrola Liga, Txapeldunen Liga eta Erreginaren Kopa irabazi ditu. Gainera, 2021eko Urrezko Baloiaren irabazlea da, eta urtea biribildu du 'The Best' saria jasota. Jennifer Hermoso (Bartzelona) izan da bigarren eta Sam Kerr (Chelsea) hirugarren.
Gizonezkoen mailan Robert Lewandowski izan da 'The Best' sariaren irabazlea, bigaren urtez jarraian. Poloniako aurrelariak Bundesliga (Alemaniako Liga) eta Alemaniako Superkopa irabazi ditu Bayern Munichek. Horrez gain, 69 gol sartu ditu 2021ean, eta Gerd Müllerren marka hautsi du Bundesligan denboraldi berean 41 gol sartuta. Lionel Messi (PSG) izan da bigarren eta Mohamed Salah (Liverpool) hirugarren.
Emakumezkoen mailan Christiane Endlerrek (PSG) lortu du atezain onenaren 'The Best' saria eta Emma Hayesek (Chelsea) entrenatzaile onenarena. Gizonezkoenean, Edouard Mendyk (Chelsea) erdietsi du atezain onenaren saria, eta Thomas Tüchelek (Chelsea) entrenatzaile onenarena.
Zure interesekoa izan daiteke
Eibarrek Lucas Nuñez fitxatu duela 26/27 denboralirako iragarri du
20 urteko erdilaria Valentziatik dator utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.