Euskal Selekzioaren deialdia Panamaren aurka aritzeko
Javier Clemente Euskal Selekzioko hautatzaileak 17 jokalariko deialdia plazaratu du Panamaren aurka maiatzaren 29an jokatu beharreko neurketarako.
Norgehiagoka herrialde amerikarrean jokatuko da, Panama Hiriko Rommel Fernandez futbol-zelaian, hain zuzen ere. Partida 20:00etan hasiko da, hots, maiatzaren 30eko goizaldeko 03:00etan Euskal Herrian.
Dely Valdesek entrenatzen duen taldeak ekainaren 15etik uztailaren 7ra bitartean jokatuko den Urrezko Kopa prestatzeko erabiliko du.
Clementeren zerrenda honako jokalari hauek osatzen dute:
Athletic:
Aritz Aduriz, Jesus Areso (Bilbao Athletic), Mikel Balenziaga, Iago Herrerin, Gaizka Larrazabal (Bilbao Athletic), Iñigo Martinez, Mikel San Jose, Iñigo Vicente (Bilbao Athletic), Asier Villalibre (Bilbao Athletic) eta Daniel Vivian (Bilbao Athletic).
Reala:
Aritz Elustondo, Asier Illarramendi eta Aihen Muñoz.
Alaves:
Manu Garcia.
Leganes:
Unai Bustinza eta Javi Eraso.
Levante:
Aitor Fernandez.
Euskal Selekzioak denboraldi honetan bertan jokatu du bere azken nazioarteko partida. Joan zen urteko urriaren 12an izan zen aipatu norgehiagoka, Mendizorrotzan, eta 4-2 irabazi zion Venezuelari.
Zure interesekoa izan daiteke
Eibarrek Lucas Nuñez fitxatu du
20 urteko erdilaria Valentziatik dator, utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.