Super Amara Bera Berak eta Replasa Beti-Onakek derbi batekin hasiko dute liga
Espainiako Eskubaloi Federazioak Guerreras Iberdrola Ligako 2026-27 denboraldiko zozketa egin du gaur, ekainak 25. Bertan, parte hartuko duten 14 taldeen egutegia ezagutarazi dute. Bera Bera eta Replasa Beti-Onak taldeek irailaren 9an Gascan jokatuko den derbiarekin hasiko dute denboraldia.
Egutegiaz gain, zenbait aldaketaren berri ere eman dute. Horien artean, play-down-aren desagerpena. Hortaz, azken biak zuzenean jaitsiko dira fase erregularra amaitzen denean. Sailkapenaren goiko aldean ere izango dira nobedadeak. Play-offa liga erregularreko lau talde onenetara mugatuta geratuko da, non bi partidatara jokatuko dituzten finalerdiak. Finala, berriz, hiru partidatara izango da.
Zure interesekoa izan daiteke
Maria Zaldua oriotarrak ametsetako denboraldia bizi izan du Rocasa Kanaria Handia taldean
Zalduak laugarren denboraldia bukatu berri du Kanarietako taldean. Oriotarrak bere aurreneko liga irabazi du 24 urterekin, eta, gainera, txapelketako jokalaririk onena izendatu dute. "Bera Beraren aurkako neurketak beti dira bereziak", aitortu du.
Super Amara Bera Berak irabazi du Replasa Beti-Onak taldearen aurkako euskal derbia (31-25)
Etxekoak aurretik joan dira hasieratik, eta aurkariek baino hobeto kudeatu dute partida.