Hirutik hiru, Arraun Lagunakentzat
Arraun Lagunakek irabazi du Euskotren Ligako hirugarren jardunaldian jokatutako Fabrika Bandera. Gipuzkoarrak nagusi izan dira Donostiako uretan, bigarren txanda zirraragarrian gailenduta.
Itsaso zakarra izan dute zortzi ontziek, eta patroiek lana erruz egin behar izan dute ontzien norabideari ondo eusteko.
Txanda nagusian, Tolosaldea, Donostiarra eta Orio aritu dira Arraun Lagunekin batera. Aurreko bi jardunaldietan lortutako garaipenekin, Andrea Astudillok zuzentzen duen eskifaia faborito zen aurreikuspen guztietan, eta Euskotren Ligako liderrek ez dute hutsik egin.
Hala ere, gauzak ez dituzte erraz izan, kalerik txarrena egokitu baitzaie zozketan: lehenengoa. Donostiarrek irteera ona egin dute, eta 2-3 segundoko aldea lortu dute berehala. Horrela, ziabogan alde handia atera diete aurkariei: 9 segundo Tolosaldeari, 13 Oriori eta 26 Donostiarra iazko irabazleari.
Bigarren luzea zirraragarria izan da. Tolosaldea segundo bakar batera hurbildu da momentu batean, eta estropada hankaz gora jarri behar zuela zirudien, baina ez da horrelakorik gertatu. Aurreko txandako denborarik onena (13:35) Cabo da Cruzek egin du, eta hori izan da txanda honetako ontzien erreferentzia.
Helmugan, Arraun Lagunakek 12:54ko denbora egin du, Tolosaldea 7 segundora sartu da, Orio 10era eta Donostiarra 30era. Ondorioz, Arraun Lagunakek eraman du Fabrika Bandera, eta hiru garaipen lortu ditu Ligan jokatu diren hiru jardunaldietan. Lehen lau postuak ohorezko txandako lau ontziek lortu dituzte.
Ligako sailkapenean, Arraun Lagunak lehen postuan dago 24 punturekin, Tolosaldeak 20 dauzka eta Oriok 19.
Zure interesekoa izan daiteke
Musikaz eta ''txapeldunak'' oihukatuz hartu dituzte Arraun Lagunakeko neskak
Arraun Lagunakek laugarrenez altxatu du Kontxako Bandera, eta, Euskotren Liga irabazi ostean, denboraldia borobildu du. Zaleekin ospatu dute garaipena.
Jule Arkotxa: ''Kontxako Bandera irabazita, beti izan dudan ametsa bete dut''
Donostia Arraun Lagunakek nagusitasun handiz irabazi du Kontxako Bandera laugarrenez, hirugarren urtez jarraian. Denboraldiari bukaera ezin hobea eman diote, Euskotren Liga ere aise bereganatu baitute. "Gaur, beti izan dudan ametsa bete dut", adierazi du Jule Arkotxa arraunlari lekeitiarrak.
Arraun Lagunakek eskura du Kontxako Bandera
Lorea Etxabe Arraun Lagunak taldeko arraunlariak Kontxako Banderaren gainean hitz egin du, irabazteko duten gosea azpimarratuta. Lehen jardunaldian, Tolosaldeari 10 segundoko errenta atera zion.
Arraun Lagunakek urrats handia egin du Kontxako Bandera irabazteko
Arraun Lagunak, Kontxako Banderaren egungo txapelduna, 2024ko eta 2023ko lorpena errepikatzeko bidean da, Tolosaldea (bigarren) eta Orio (hirugarren) 10 segundoko desabantailarekin abiatuko baitira datorren igandeko bigarren jardunaldi erabakigarrian.
Arraun Lagunakek erakustaldia emanda irabazi du Kontxako lehen jardunaldia, Tolosaldeari 10 segundo aterata
'Lugañene' traineruak bereganatu du garaipena 2025eko Kontxako Banderaren lehen jardunaldian, bigarrenari, Tolosaldeari, 10 segundoko errenta aterata. Orio izan da hirugarren, 10 segundo eta 84 ehunenera, eta Zumaia laugarren, 15 segundora.
Joana Halsouet: ''Oso determinatuak atera gara, eta gure estropadaz pozik gaude''
Donostia Arraun Lagunakek indar erakustaldia egin du Kontxako Banderaren lehen jardunaldian, eta Tolosaldeari nahiz Oriori 10 segundoko tartea atera die datorren igandeko lehia erabakigarriari begira. Joana Halsouet patroia gustura agertu da bere traineruak egindako lanarekin.
Itziar Eguren, Arraun Lagunak: ''Badirudi guk egiten dugunak ez duela baliorik''
Arraun Lagunak taldeak laugarren aldiz irabazi du Euskotren Liga. Eguren presidenteak horren atzean dagoen lana eta konpromisoa nabarmendu ditu. Horrekin batera, salatu du lan horren etekinek askotan izaten duten oihartzun apala.
Arraun Lagunakek gogotik ospatu du Euskotren Liga laugarren aldiz irabazi izana
Donostia Arraun Lagunakek laugarren aldiz irabazi du Euskotren Liga, eta, gaur arratsaldean, liga amaituta, harrera epela egin diete txapeldunei Donostian. Arraunlariek gogotik ospatu dute.
2025eko Euskotren Ligako Getariako Ikurrina: Arraun Lagunaken estropada, traineru barrutik ikusita
Arraun Lagunak bigarren sailkatu da Getariako Ikurrinan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Tolosaldearentzat Getariako Ikurrina, Arraun Lagunakentzat Euskotren Ligako koroa
Tolosaldea gailendu da Getariako uretan, eta Donostia Arraun Lagunakek irabazi du Euskotren Liga. Hondarribia, berriz, ETE ligara jaitsi da, sailkapen nagusian azken tokian bukatu baitu denboraldia.