Orio aise bueltatu da garaipenaren bidera Zierbenan Petronor Bandera bereganatuta
Oriok erakustaldia emanda irabazi du igande honetan Zierbenan jokatu den Petronor Bandera, eta, horrenbestez, lautik hiru garaipen lortuta, Eusko Label Ligako lidergoa sendotu du. Zierbena eta Hondarribia izan dira bigarrena eta hirugarrena, hurrenez hurren.
Atzo Kontxako badian ez bezala (hirugarren amaitu zuten, minutu erdiko atzerapenarekin), Gorka Aranberrik zuzendutako kuadrillak goi-mailako arraunketa egin du gaur. Zierbenak ere maila oso ona eman du, eta ikuskizun polita izan da Petronor Bandera eskuratzeko lehian.
Biek ala biek oso irteera ona egin dute, eta parean joan dira hasieran. Urdaibaik eta Donostiarrak, berriz, hiruzpalau segundoko atzerapena pilatu dute lehen hiru minutuetan.
Lehendabiziko ziabogaren ostean, 2 segundoko tartetxoa hartu dio San Nikolas ontziak Zierbenari, eta bigarren luzean hautsi du estropada, aurkariekiko zuloa handituz: 7 segundo sartu dizkio Aitor Lazkanok zuzentzen duen ontziari, 11 Bou Bizkaiari eta 13 Donostiarrari.
Hirugarren luzean ere, airean joan dira Oriokoak. Garaipena bideratuta zuten ordurako, eta lehia bigarren postua eskuratzeko izan dute Zierbenak eta bigarren txandan azkarrena izan den Hondarribiak.
Azkenean, Oriok irabazi du Petronor Bandera, lanak 19 minutu eta 56 segundoan bukatuta. Zierbena izan da bigarrena, 15 segundo, eta Hondarribiak lortu du hirugarren tokia.
Ohorezko txandan, Urdaibaik eta Donostiarrak 21 eta 29 segundoko atzerapena pilatu dute. Horrenbestez, bermeotarrek laugarren amaitu dute sailkapenean, Hondarribiaren atzetik, eta Donostiarra seigarren izan da, bigarren txandan lehiatu den Getariak denbora hobea egin baitu.
Laugarren jardunaldia amaituta, Oriok hirugarren garaipena lortu, eta Eusko Label Ligan lider jarraitzen du, Zierbenarekiko tartea zabalduta. Cabo eta Kaiku, berriz, zuloan hondoratu dira.
Zure interesekoa izan daiteke
Hamaseigarren bandera irabazita biribildu du Oriok denboraldia
Portugaleteko Bandera ere bereganatuta, marka guztiak hautsi ditu Oriok aurten, Eusko Label Liga eta Kontxa poltsikoratuta.
Gorka Aranberri: ''Oriok egindako denboraldiari 10ekoa jarriko nioke''
Oriok irabazi du Portugaleteko Bandera, eta Eusko Label Ligan aurten 16. bandera eskuratu eta errekor guztiak hautsi ditu horrela. "Oriok egindako denboraldiari 10ekoa jarriko nioke", esan du Gorka Aranberri patroiak.
Gogoz ospatu dute oriotarrek Kontxa bereganatu izana
Oriok 33. Kontxako Bandera eskuratu du, eta zaleek ez dute aukera galdu merezi bezala ospatzeko.
Oriok hogeita hamahirugarrenez irabazi du Kontxa
Iker Zabalaren gizonek erabateko nagusitasuna erakutsita eskuratu dute Kotxako Bandera. Aurten Eusko Label Liga irabazi ondoren, 33. aldiz irabazi du Kontxako Bandera Oriok.
Gorka Aranberri: ''Kontxako hamargarren bandera hau beretzat doa, Joxe Marirentzat''
Orioko patroiak Kontxako hamargarren bandera eskuratu du igande honetan. "Hamargarren bandera beretzat doa, Joxe Marirentzat", adierazi du Aranberrik erabat hunkituta.
Gorka Aranberri: ''Zigorra jarri badigute jartzekoa izango zen, onartu eta listo''
Oriori hiru segundoko zigorra jarri diote epaileek, estropada hastear zegoela euren zodiaca behar ez zen tokian zegoelako, eta, ondorioz, Zierbena gailendu da lehen jardunaldian, 10 ehunenengatik izan bada ere.
Oriotarrek harrera beroa egin diete Eusko Label Ligako txapeldunei
Oriok 2025eko Eusko Label Ligako txapela lortu du Galiziako uretan, 14 estropada irabazita. Etxean zain izan dituzte zaleak, lorpena batera ospatzeko.
Oriok Eusko Label Liga irabazi du, Aresko Bandera eskuratuta
Eusko Label Ligak kolore horia hartu zuen ia hasieratik, eta denboraldia biribiltzeko Kontxa eta azken bi estropadak falta direla, Oriok Liga eskuratu du matematikoki, Aresko Bandera bereganatuta. Iker Zabalaren kuadrillak Urdaibairen errekorra berdindu du.
Ibon Arruti, Orioko arraunlaria: ''Liga irabazita, Kontxara begira gaude''
Oriok irabazi du Eusko Label Liga, Aresko Bandera bereganatuta. Denboraldi osoan erakutsi duen nagusitasunarekin gailendu da San Nikolas ontzia Galiziako uretan. "Ez dago atsedenik. Liga irabazita, Kontxara begira gaude", adierazi du Ibon Arruti Orioko arraunlariak.
Oriok irabazi du Eusko Label Liga, Aresko Bandera bereganatuta
Orio zen Liga irabazteko faborito nagusia, eta nagusitasun handiz gailendu da. Galiziako uretan, Urdaibai izan da bigarrena eta Donostiarra hirugarrena. Bestalde, Cabo bigarren mailara jaitsiko dela baieztatu da.