Oriok eta Donostiarrak irabazi dute Fabrika Bandera
Orioko taldeak Fabrika Bandera eskuratu du gaur goizean Donostian jokatu den Euskotren Ligako bigarren estropadan. Eusko Label Ligan Donostiarrak irabazi du Hondarribia mendean hartuta.
Emakumezkoen txapelketan, Arraun Lagunak taldeak, larunbateko erlojupekoa irabazi zuenak, eta Oriok lehia estua eskaini dute jardunaldi osoan zehar. Azken metroetan Orioko neskek indarrak atera dituzte eta aurkariengandik urruntzea lortu dute, euren jarraitzaileak baino ia bost segundo lehenago helmugaratu direlarik. Donostiarrak eta Tolosaldeak txapeldunengandik minutu erdira bukatu dute estropada.
Horrela, Oriok bere lehen garaipena lortu du eta sailkapen nagusian lider jarri da. Arraun Lagunak bigarren postura jaitsi da eta ondoren Donostiarra eta Tolosaldea sailkatu dira.
Bestalde, gizonezkoen txapelketan, Donostiarra Hondarribia eta Urdaibai baino gehiago izan da, haien aurkari zuzenak gaurko lehian, eta Eusko Label Ligako bigarren bandera irabazi du.
Gipuzkoarrek olatuen bultzada aprobetxatzen jakin dute, aurkariak gainditzeko balio izan diena. Hondarribiak pultsua bota dio estropadaren zatirik handienean, baina azkenean txapeldunak baino bost segundo beranduago iritsi da helmugara. Urdaibai aurreko txandan atera da, baina lortutako denbora onak markatu du besteek gainditu behar zuten lerroa, irabazi nahi bazuten.
Garaipen honekin, Donostiarra lider jarri da sailkapen nagusian, ondoren Orio, lehen bandera irabazi zuena, eta Hondarribia, podiuma ixten. Horien atzetik Urdaibai, Getaria, Zierbena, Kaiku, Cabo, Santurtzi, Lekittarra, Ares eta Ondarroa daude.
Sailkapen nagusia
Zure interesekoa izan daiteke
2025eko Eusko Label Ligako Fabrika Bandera: Donostiarraren estropada, ontzi barrutik ikusita
Donostiarrak irabazi du Eusko Label Ligako Fabrika Bandera. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Donostiarrak etxean nork agintzen duen erakutsi du Fabrika Banderan
Parekatua hasi da Eusko Label Ligako ohorezko txanda, baina Donostiarrak olatu on bat baliatu du aurkariak atzean utzi eta estropada bereganatzeko. Urdaibai izan da bigarren, eta Orio, berriz, hirugarren.
Arkaitz Diaz: ''Oso ondo aprobetxatu dugu itsasoak eman digun aukera''
Donostiarra alde handiarekin gailendu da Kontxako uretan Fabrika Bandera eskuratzeko. Arkaitz Diaz patroiarekin izan gara, estropada amaitu eta berehala.
Donostiarra olatu gainera igo da etxean irabazteko
Lehen ziabogaren ostean, olatu bikaina hartu du aurkariei ihes egin eta denboraldiko lehen bandera bereganatzeko.
Igor Makazaga: ''Estropada onak egin arren, gure maila hobetu dezakegu''
Eusko Label eta Euskotren ligetako hirugarren jardunaldia jokatuko da asteburuan. Larunbatean, Donostian izango dira estropadak, Donostiarraren etxean. Aitzakia hori baliatu dugu Igor Makazagarekin denboraldi hasieraren gainean hitz egiteko.