Tolosaldeak eta Lekittarrak maila gorenean jarraituko dute; Samertolameuk igoera lortu du
Tolosaldea, Lekittarra eta Samertolameu arraunaren maila gorenean lehiatuko dira datorren denboraldian. Igande honetan (irailak 18) Portugaleten egin diren play-offetan Tolosaldeak emakumezkoen Euskotren Ligan mantentzea lortu du Deustu mendean hartuta; bestalde, gizonezkoetan, Lekittarrak mailari eutsi dio eta Samertolameuk Eusko Label Ligara igotzea lortu du.
Emakumezkoen play-offean Tolosaldea nagusitu da Portugaleteko uretan; beraz, Euskotren Ligan jarraituko du datorren denboraldian; Deustu, aldiz, ETE Ligan arituko da berriz ere. Talde gipuzkoarrak erritmo bizia jarri du hasieratik eta lehen luzean zazpi segundo atera dizkio aurkariari. Bigarren luzean Deustuk ezin izan du egoera irauli eta helmugan 25 segundoko diferentzia atera dio Tolosaldeak talde bizkaitarrari.
Tolosaldeak play-offean izandako nagusitasuna erabatekoa izan da. Larunbatean ere, Bermeoko uretan talde gipuzkoarra Deusturi nagusitu zitzaion, 16 segundo aterata. Bi jardunaldietako denborak batuta 41 segundoko aldea egon da bi taldeen artean.
Gizonezkoen lehiari dagokionez, lehenengo hiru luzeetan zehar Lekeitioko taldea izan da azkarrena. Lehen ziabogan Lekittarrak segundo bakarra atera dio Bueuri, 2 San Pedrori, 3 Samertolameuri eta 6 Pedreñari. Lan erditan, bizkaitarrek errentak apur bat handitu dituzte; 3 segundo atera dizkiote Bueu eta Samertolameu galiziarrei, 5 San Pedrori eta 8 Pedreñari.
Hirugarren ziabogan gauzak estutu egin dira eta Lekeitioko taldeak segundo bakarra atera dio Samertolomeuri. Bueuk 3 segundora, San Pedrok 5era eta Pedreñak 8ra gelditu dute kronoa. Azken luzean Samertolameu taldeak erritmoa bizitu eta marka onena ezarri du helmugan; Lekittarrari 2 segundo atera dizkio, Bueuri 3, Pedreñari 11, eta San Pedrori 12.
Play-offeko sailkapenean Lekittarrak lortu du lehen postua 9 punturekin. Samertolameuk ere 9 puntu lortu ditu, baina larunbateko eta igandeko denboren batuketan talde bizkaitarra hobea izan da. Bueu hirugarren izan da 6 punturekin, eta, San Pedrok eta Pedreñak sailkapena itxi dute 3na punturekin.
Zure interesekoa izan daiteke
2025eko Eusko Label Ligako play-offeko bigarren jardunaldia: Chapelaren estropada, traineru barrutik ikusita
Eusko Label Ligara igotzeko play-offean, Chapelak maila gorenerako txartela lortu du Portugaleten. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Hamaseigarren bandera irabazita biribildu du Oriok denboraldia
Portugaleteko Bandera ere bereganatuta, marka guztiak hautsi ditu Oriok aurten, Eusko Label Liga eta Kontxa poltsikoratuta.
Gorka Aranberri: ''Oriok egindako denboraldiari 10ekoa jarriko nioke''
Oriok irabazi du Portugaleteko Bandera, eta Eusko Label Ligan aurten 16. bandera eskuratu eta errekor guztiak hautsi ditu horrela. "Oriok egindako denboraldiari 10ekoa jarriko nioke", esan du Gorka Aranberri patroiak.
2025eko Eusko Label Ligako egutegia
Gizonezkoen traineru txapelketa nagusia uztailaren 5ean hasiko da, Bilbon, XVI Bilboko Bandera, eta irailaren 21ean amaituko da, Portugaleten, LV GP-LI El Corte Ingles Banderarekin.
Elortegi: ''Burua gutxika-gutxika altxatu behar''
Kaikuko entrenatzailea penatuta azaldu da traineruak maila galdu ondoren. Bere mutilek dena eman dutela nabarmendu du, baina taldearentzat jaitsiera porrota dela.
Alexander Esteban: ''Ongi egindako lanaren saria jaso dugu''
Santurtzi Eusko Label Ligan lehiatuko da datorren denboraldian, igande honetan amaitu den play-offean lehen postua lortuta. "Ondo egindako lanaren saria jaso dugu", esan du Alexander Esteban Soterako entrenatzaile eta arraunlariak.
Markel Lujua (Santurtzi): ''Ondo joan gara, gure estropada egin dugu, badakigu azkarrak garela''
2025eko Eusko Label Ligako play-offeko lehenengo jardunaldian, Santurtzi gailendu da. Estropada amaitu ostean, Markel Lujua patroiak adierazi du taldeak ez duela "presioa" sentitu, eta eskerrak eman dizkie zaleei: "Santurtzi osoa hemen dago".
Oriotarrek harrera beroa egin diete Eusko Label Ligako txapeldunei
Oriok 2025eko Eusko Label Ligako txapela lortu du Galiziako uretan, 14 estropada irabazita. Etxean zain izan dituzte zaleak, lorpena batera ospatzeko.
Oriok Eusko Label Liga irabazi du, Aresko Bandera eskuratuta
Eusko Label Ligak kolore horia hartu zuen ia hasieratik, eta denboraldia biribiltzeko Kontxa eta azken bi estropadak falta direla, Oriok Liga eskuratu du matematikoki, Aresko Bandera bereganatuta. Iker Zabalaren kuadrillak Urdaibairen errekorra berdindu du.
Ibon Arruti, Orioko arraunlaria: ''Liga irabazita, Kontxara begira gaude''
Oriok irabazi du Eusko Label Liga, Aresko Bandera bereganatuta. Denboraldi osoan erakutsi duen nagusitasunarekin gailendu da San Nikolas ontzia Galiziako uretan. "Ez dago atsedenik. Liga irabazita, Kontxara begira gaude", adierazi du Ibon Arruti Orioko arraunlariak.