Itzulia

2024/04/04 - 18:02

11 arabar txirrindulari dabiltza profesionaletan, horietako hiru WorldTourrean, aurten

Mikel Landa, Oier Lazkano eta Markel Beloki dabiltza maila gorenean, eta beste zortzi ProTeam mailako taldeetan. Euskaltel-Euskadin, adibidez, bost daude, tartean Andoni Lopez de Abetxuko eta Ion Abesrasturi.

2024/04/04 - 14:52

2024ko Euskal Herriko Itzuliko 4. etaparen profila, ibilbidea eta ordutegia: Etxarri Aranatz-Legutio (159 km)

Txirrindulariek lau mendate gainditu beharko dituzte 63. Euskal Herriko laugarren etapan, horietako bi jardunaldiko azken 30 kilometroetan. Araban jokatuko dituzte etapako kilometro gehienak.

2024/04/04 - 00:59

Quinten Hermansek irabazi du Itzuliaren 3. etapa; Roglicek eta Ayusok erorikoak izan dituzte

Belgikarrak Altsasun izandako esprintean lortu du garaipena, eta Alex Aranburu hirugarren postuan sailkatu da. Primoz Roglic liderrak eta Juan Ayusok erorikoak izan dituzte, baina helmugaratu dira.

2024/04/03 - 22:39

2024ko Itzuliko 3. etapako azken kilometroa

Itzuliko 3.etapa esprintean amaitu da, eta Quinten Hermans (Alpecin) izan da irabazlea. Azken kilometroaren aurretik eroriko handi bat izan da tropel erdian. Hemen ikus daiteke bertan gertatutakoa.

2024/04/03 - 22:03

Jorge Azanza: ''Ihesaldietan ahalik eta gehien egotea da gurea, ahalik eta ondoen''

Euskaltel-Euskadi taldeko zuzendaria pozik azaldu da asteazkenean James Fouche txirrindulariak emandako mailarekin; izan ere, zeelandaberritarra eguneko ihesaldian sartu da. Esan duenez, taldearen helburua da, bereziki, ihesaldi horietan izatea.

2024/04/03 - 21:53

Pello Bilbao: ''Ostegunean, Gatzaga igoera serioa da; baliteke Vingegaard edo Evenepeoel mugitzea''

Bahrain Victorious taldeko txirrindulari gernikarra sailkapen nagusiko hamargarren postuan dabil, aurreneko hiru etapak jokatuta. Laugarren etapa aztergai, bizkaitarrak uste du faborito nagusietako batzuek aurrera egiteko garaia izan litekeela.

2024/04/03 - 19:41

Quinten Hermansek irabazi du Altsasun, esprintean; Alex Aranburu hirugarren helmugaratu da

Alpecin-Deceuninck taldeko txirrindulari belgikarra izan da azkarrena 2024ko Euskal Herriko Itzuliaren helmugan. Ez dago aldaketarik sailkapen nagusian, eta Primoz Roglicek lider jarraitzen du; esloveniarrak erorikoa izan du, bai eta Juan Ayusok ere.

2024/04/03 - 18:45

Primoz Roglicek erorikoa izan du Itzuliko 3. etapan

Primoz Roglic esloveniarrak erorikoa izan du 2024ko Itzuliko etapan, Altsasuko helmugarako 38 kilometro falta zirela. Borako txirrindulariak bizikleta hartu, eta lasterketan jarraitu du.

2024/04/03 - 18:31

Itzulia Altsasun da; bertan, 2002an, Aitor Osak etapa irabazi eta sailkapen nagusiko garaipena bideratu zuen

Itziarko txirrindularia iBanesto.com taldean zebilen, garai hartan. Bingen Fernandezekin iritsi zen helmugara, eta esprintean mendean hartu zuen hori. Urte hartako Itzulia eskuratu zuen.

2024/04/02 - 22:02

Paul Lapeira nagusi izan da Kanbon, eta Roglicek lidertzari eutsi dio

Frantziarra azkarrena izan da azken metroetan jokatutako esprintean. Ion Izagirrek erorikoa izan du eta ia minutu erdi galdu du lider esloveniarrarekiko.

2024/04/02 - 20:29

Bingen Fernandez: ''Jon Izagirre erori egin da azken kilometroetan''

Cofidis taldeko txirrindulariak 23 segundo galdu ditu erorikoaren ondorioz eta orain 22. postuan da sailkapen nagusian, Roglic liderrarengandik 44 segundora.

2024/04/02 - 19:43

Itzuliko 2. etapako azken kilometroa

Paul Lapeira frantziarra gailendu da Itzuliko 2. etapa erabaki duen esprintean. Alex Aranburuk bosgarren egin du.

2024/04/02 - 19:23

Paul Lapeirak irabazi du esprintean, Kanbon

Etapako azken lau kilometroetan bi eroriko izan dira, eta tropela etenda iritsi da helmugara. Ion Izagirre izan da kaltetuetako bat, eta dagoeneko 44 segundora dauka Primoz Roglic liderra.

2024/04/02 - 16:45

100 bete dira lehen Euskal Herriko Itzulia egin zenetik

1924ko abuztuaren 7tik 10era egin zuten Euskal Herriko Itzuliaren lehen edizioa. Gerraren ondorioz hainbat urtez etenda egon ostean, 1969an itzuli zen errepidera lasterketa.

2024/04/01 - 22:15

Primoz Roglic da Itzuliko lehenengo liderra, Iruneko erlojupekoan erakustaldia emanda

Esloveniarrak, azken metroetan okerreko bidea hartu duen arren, denborarik onena egin du eta aldea atera die Evenepoel eta Vingegaard sailkapen nagusiari begira dituen aurkari nagusiei.

2024/04/01 - 22:05

Primoz Roglic da liderra, erlojupekoan erakustaldia emanda

Esloveniarrak okerreko bidea hartu du helmugarako metro gutxira, baina hala eta guztiz ere, denborarik onena egin du gainontzeko aurkari guztien aurretik. Euskal txirrindularien artean, Ion Izagirre eta Pello Bilbao izan dira onenak.

2024/04/01 - 20:23

Patxi Vila, Roglicek 1. etapa irabazi ostean: ''Honetarako gabiltza lanean''

Esloveniarra da Itzuliko lehen liderra, Iruneko erlojupeko saioan erakustaldia emanda. Patxi Vila BORA-hansgrohe taldeko zuzendariak bere txirrindulariak egindako lana txalotu du.

2024/04/01 - 20:11

Ikusi Roglicek Irungo erlojupekoan egindako azken kilometroa

Primoz Roglicek bereganatu du 2024ko Itzuliko lehen etapa, Irunen jokatu den 10 kilometroko erlojupekoan gailenduta. Ikusi hemen esloveniarrak egindako lanaren azken kilometroa

2024/04/01 - 17:35

Remco Evenepoel erori egin da etapa hasierako bihurguneetako batean

Etapa hasi bezain pronto, erori egin da Remco Evenepoel, bihurgune bateko hesiaren talka egin ostean. Berahala altxatu da, aurrera jarraitzeko.

2024/04/01 - 17:14

Roglicek okerreko bidea hartu du helmugara sartzeko bidegurutzean, Irungo erlojupekoan

Primoz Roglic txirrindulari esloveniarra, Itzulia irabazteko faborito nagusienetakoa, autoek hartzen duten saihesbidea hartu du helmugarako bidegurutzea hartu beharrean, eta segundo batzuk galdu ditu helmugan. Hala ere, uneko denborarik onena ezarri du