2022ko Itzulia Women laskerketako 1. etaparen profila eta ibilbidea: Gasteiz – Bastida (105,9 km)
Emakumezkoen Euskal Herriko Itzuliko lehenengo etapak Gasteiz eta Arabako Errioxan dagoen Bastida lotuko ditu 105,9 kilometroko ibilbidean zehar, eta parte-hartzaileek hiru gain puntuagarri igo beharko dituzte euren estreinako jardunean.
Horietako lehendabizikoa Zaldiaran (3. mailakoa, 4,5 kilometro eta, batez beste, % 4,5eko maldak) izango da, Arabako hiriburutik irten eta batera. Ibilbidearen erdialdera kateatuko dituzte beste biak: Rivas begiratokia (2. mailakoa, 5,5 kilometro eta, batez beste, % 5,4ko maldak) eta Herrera (3. mailakoa, 6,8 kilometro eta, batez beste, % 5,3ko maldak). Azken horren gailurretik ibilbideak beheranzko joera hartuko du, baina ez da gozatzeko moduko jaitsiera izango, baizik eta deserosoa.
Hain zuzen ere, jardunaldiaren azken partea igoeraz eta jaitsieraz beteta egongo da. Gainera, helmugara iritsi aurreko azken kilometroak ere goranzko joera izango du, eta oso tarte labur batean bada ere (25 metro inguru), % 20ko desnibela izatera iritsiko dena.
Etapa zuzenean ikusi ahal izango da ETB1en eta eitb.eus-en 12:00etatik aurrera.
Ikusi 2. etaparen profila | Ikusi 3. etaparen profila
ETAPAREN PROFILA
2022ko Emakumezkoen Euskal Herriko Itzuliko 1. etaparen profila. Argazkia: Itzulia
------------------------------------------------------
ETAPAREN IBILBIDEA
FITXA TEKNIKOA
Etapa: 1. etapa (maiatzak 13)
Ibilbidea: Gasteiz – Bastida
Distantzia: 105,9 km
Hasiera-ordua: 10:23
Amaiera-ordua: 13:30 (34 km/h) | 13:20 (36 km/h) | 13:10 (38 km/h)
Mendiko saria: Zaldiaran (3. mailakoa), 5,4. kilometroan | Rivas begiratokia (2. mailakoa), 56,1 kilometroan | Herrera (3. mailakoa), 67,7 kilometroan.
2022KO ITZULIA WOMEN LASTERKETAKO ETAPEN PROFILAK
1. etapa (maiatzak 13): Gasteiz – Bastida (105, 9 km)
Zure interesekoa izan daiteke
Bredewold: ''Gustuko ditut esprintean amaitzen diren egun gogorrak''
Mischa Bredewoldek irabazi du 2025eko Itzulia Womeneko 1. etapa. Iazko lehendabiziko bi etapa garaipenak ere bereak izan ziren. Herbeheretarrak begiz jota zeukan Aguraingo helmuga.
Garaipena eta lidertza Mischa Bredewoldentzat, Agurainen
Itzulia Womeneko 1. etapa esprintean bukatu da, eta Aguraingo helmugan Mischa Bredewold izan da azkarrena. Anna van der Breggenek eroriko larria izan du helmugarako 8 kilometro falta zirenean.
2025eko Itzulia Womeneko 1. etapako azken kilometroa eta esprinta
Mischa Bredewold SD Worx taldeko txirrindulari herbeheretarra gailendu da Agurainen, Itzulia Womeneko aurreneko etapan; halaber, Bredewoldek, esprinta eskuratuta, maillot horia ere bereganatu du.
Bredewold nagusitasun handiz gailendu da Agurainen, eta bera izango da Itzuliko lehen liderra
Lehendabiziko etapa esprintean bukatu da, eta Mischa Bredewold izan da azkarrena helmugan. Anna van der Breggenek eroriko larria izan du helmugarako 8 kilometro falta zirenean.
Anna van der Breggenek erorikoa izan du Itzulia Womeneko 1. etapan
SD Worx taldeko txirrindulari herbeheretarra helmugarako 7,8 kilometro gelditzen zirenean erori da. Faborito nagusietakoa denak lasterketan jarraitu ahal izan du, eta etapa amaitu du.
2025eko Itzulia Womeneko 1. etaparen profila, ibilbidea eta ordutegia: Zumarraga-Agurain (148,5 km)
Laugarren ekitaldiari hasiera emateko, aurtengo etaparik luzeena jokatuko dute. Txirrindulariak Gipuzkoan eta Araban barrena ibiliko dira, eta hiru mendate puntuagarri gainditu beharko dituzte; horietako bat, Opakua, 2. mailakoa da.
Hamar mendate puntuagarri izango dira 2025eko Itzulia Women lasterketaren hiru etapetan
Hauek dira lasterketako hiru etapak: Zumarraga-Agurain, maiatzaren 16an, ostiralez, Ugao-Igorre, hilaren 17an, larunbatez, eta Donostia-Donostia, hilaren 18an, igandez. Euskal Herriko Itzuliaren laugarren ekitaldiaren aurkezpen ofiziala asteazkenean egin dute.