Luca Paolini da lider berria, hirugarren etapa irabazi ostean
Luca Paolinik (Katsuha) irabazi du Giroko hirugarren etapa, eta bera da lasterketako lider berria. Sorrento eta Marina di Ascena artean korritu da 222 kilometroko etapa hau, eta helmugarako 6,6 kilometro falta zirenean jo du erasoa Paolinik. Inor ez da italiarraren gurpila jarraitzeko gai izan, eta etapa garaipena lortu du.
Giroa irabazteko faboritoak diren txirrindulariak bat eginda iritsi dira helmugara, etapa irabazlearekiko 15 segundora. Cadel Evans (BMC) izan da bigarren, eta Ryder Hesjedal (Garmin-Sharp) hirugarren. Samuel Sanchez (Euskaltel-Euskadi) bosgarren izan da, eta Beñat Intxaustik (Movistar) zortzigarren postuan bukatu du etapa.
Sailkapen nagusiko liderra Luca Paolini da, eta 17 segundoko abantaila du bigarren sailkatua den Bradley Wigginsekiko (Sky), eta hirugarren postuan dagoen Rigoberto Uranekiko (Sky). Beñat Intxausti (Movistar) sailkapen nagusiko laugarren postuan dago, liderrarekiko 27 segundora.
3. etapako sailkapena:
1. Luca Paolini (Katusha) 5:43:50
2. Cadel Evans (BMC) + 16
3. Ryder Hesjedal (Garmin-Sharp) d.b.
4. Mauro Santambrogio (Vini Fantini) d.b.
5. Samuel Sanchez (Euskaltel-Euskadi) d.b.
6. Giampaolo Caruso (Katusha) d.b.
7. Pieter Weening (Orica-Greenedge) d.b.
8. Bradley Wiggins (Sky) d.b.
9. Beñat Intxausti (Movistar Team) d.b.
10. Robert Gesink (Blanco) d.b.
Sailkapen nagusia:
1. Luca Paolini (Katusha)
2. Bradley Wiggins (Sky) + 17
3. Rigoberto Uran (Sky) d.b.
4. Beñat Intxausti (Movistar Team) + 26
5. Vincenzo Nibali (Astana) + 31
6. Valerio Agnoli (Astana) d.b.
7. Ryder Hesjedal (Garmin-Sharp) + 34
8. Giampaolo Caruso (Katusha) + 36
9. Yury Trofimov (Katusha) d.b.
10. Sergio Luis Henao (Sky) + 37
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.