Miguel Angel Lopezek Vuelta utzi du etapa amaitu aurretik, podiumeko lehiatik at geratu dela ikusita
Miguel Angel Lopez kolonbiarrak (Movistar) bertan behera utzi du Espainiako Itzulia, 20. etapa lehiatzen ari zela. Jardunaldia hasi aurretik podiumeko hirugarren tokian sailkatuta zegoen txirrindulariak lasterketa amaitutzat jotzea erabaki du jardunaldia amaitzeko 20 kilometro falta zirenean, podiumeko borrokatik kanpo geratu dela ikusi eta amore eman eta gero.
Hogeita hamar bat kilometroko jazarpenaren ondoren, Pesca (Kolonbia) gelditu eta errepidearen alde batean eseri da, inolako arrazoirik gabe eta modu polemikoan.
Patxi Vila zuzendariaren iritsierak ere ez du kolonbiarraren jarrera aldatzeko gai izan, ezta Imanol Erviti taldekidearenak ere, eta bizikleta hartu gabe geratu da.
Lopez bikain nagusitu zen Gamoniteiro mendate gainean amaitu zen hamazortzigarren etapan, eta podiuma ia ziurtatuta zuen Sanxenxoko hogeigarren etapan irten aurretik.
Klasiko baten pareko ibilbidea zeukan etapa tenkatu egin da bere bigarren zatian. Hala, egunean zehar txirrindulariek aurre egin behar zituzten bost mendateetatik 1. mailakoa zen bakarra igotzen ari zirela (Mougaseko gaina) Lopezek podiumak nola ihes egiten zion ikusi du.
Izan ere, Jack Haigek (Bahrain), une horretan sailkapen nagusiko laugarren postuan zegoen txirrindulariak, aurrera egin du Gino Mäder taldekidearekin, Primoz Roglic (Jumbo), Adam Yates (Ineos) eta Enric Masekin (Movistar) batera.
Kilometroak aurrera egin ahala, taldekiderik eta laguntzarik gabe zegoen Lopezek minutuak bata bestearen atzetik galtzen zegoela ikusi du lasterketa uztea erabaki zuen arte.
Txirrindularitza profesionalean aurrekari gutxi dituen erabakia izan da, Vueltaren amaierako jardunaldi bat baino falta ez zela eta, itxuraz, inolako arrazoirik gabe. "Superman" ek bi urteko kontratua sinatu berri du Movistarrekin.
Zure interesekoa izan daiteke
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.