Philipsen belgikarra gailendu da esprintean, eta Roglicek lider jarraitzen du
Jasper Philipsen (Alpecin Fenix) belgikarrak irabazi du, esprintean, Espainiako Itzuliko bigarren etapa. Guztira, txirrindulariek 166,7 kilometroko ibilbidea egin dute eta Primoz Roglicek sailkapen nagusiko lehen postuan jarraitzen du.
Iritsiera oso estua izan da eta Philipsen izan da guztien artean azkarrena, 3 ordu, 58 minutu eta 57 segundoko denbora eginda. Bigarren Fabio Jakobsen herbeheretarra (Deceuninck) eta Michael Matthews australiarra (BikeExchange) sartu dira.
Alex Aranburu sailkapeneko bigarrena bosgarren izan da helmugan, eta Jon Aberasturi, seigarren.
Sailkapen nagusian ez da aldaketarik izan.
Eguneko ihesaldian hiru txirrindulari izan dira: Diego Rubio (Burgos-BH), Sergio Roman Martin (Caja Rural-Seguros RGA) eta Xabier Azparren (Euskaltel-Euskadi), baina tropel nagusiak helmugarako 20 kilometrora harrapatu ditu.
Asteleheneko etapa
Astelehenean hirugarren etapa jokatuko dute, 202,8 kilometrokoa, Santo Domingo de Silos eta Picon Blanco mendatearen artean. Mendate batean amaituko den lehenengo etapa izango da, % 9,3ko aldapa duen 7,6 kilometroko igoerarekin.
2. etapako sailkapena
1 - PHILIPSEN Jasper Alpecin-Fenix 3:58:57
2 - JAKOBSEN Fabio Deceuninck - Quick Step 0:00
3 - MATTHEWS Michael Team BikeExchange 0:00
4 - MOLANO Juan Sebastián UAE-Team Emirates 0:00
5 - ARANBURU Alex Astana - Premier Tech 0:00
6 - ABERASTURI Jon Caja Rural - Seguros RGA 0:00
7 - LAAS Martin BORA - hansgrohe 0:00
8 - MINALI Riccardo Intermarché - Wanty - Gobert Matériaux 0:00
9 - VERMEERSCH Florian Lotto Soudal 0:00
10 - ALLEGAERT Piet Cofidis, Solutions Crédits 0:00
Sailkapen nagusia
1 - ROGLIC Primož Team Jumbo-Visma 4:07:29
2 - ARANBURU Alex Astana - Premier Tech +0:04
3 - MATTHEWS Michael Team BikeExchange +0:10
4 - CERNÝ Josef Deceuninck - Quick Step +0:10
5 - VAN BAARLE Dylan INEOS Grenadiers +0:11
6 - BAGIOLI Andrea Deceuninck - Quick Step +0:12
7 - VLASOV Aleksandr Astana - Premier Tech +0:14
8 - POLANC Jan UAE-Team Emirates +0:15
9 - KUSS Sepp Team Jumbo-Visma +0:15
10 - HAGA Chad Team DSM +0:17
Zure interesekoa izan daiteke
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.