Gaudu izan da nagusi Farraponan; Roglicek lider jarraitzen du
David Gaudu frantziarrak (Groupama-FDJ) irabazi du larunbat honetan Espainiako Vueltako hamaikagarren etapa, Villaviciosa eta La Farrapona artean (170 kilometro) jokatu dena, Marc Soler kataluniarrari (Movistar) azken metroetan aurre hartu ondoren. Sailkapen nagusian, Primoz Roglic esloveniarrak (Jumbo-Visma) elastiko gorriari eutsi dio.
Azken igoera egiten ari zirela, Solerrek, eguneko ihesaldiko bost kideetako batek erasoa jo du, eta hari Gauduk bakarrik erantzun dio. Biek egin dute aurrera, eta helmugako pankartatik 150 metrora, txirrindulari frantziarrak behin betiko eraso-kolpea eman du, profesional gisa bere lehen garaipen handia lortzeko eta katalanaren bigarren etapa garaipena eragozteko.
Sailkapen nagusian ez da mugimendurik egon faboritoen artean; ondorioz, Roglicek jarraitzen du sailkapen nagusiko lidergoan eta Richard Carapaz (Ineos) bigarren dago denbora berarekin. Hirugarren tokian Dan Martin (UAE) irlandarra dago, 25 segundoko atzerapenarekin.
Txirrindulariek Pola de Laviana eta L 'Angliru artean jokatuko den hamabigarren etapari aurre egin beharko diote igande honetan. Gailur mitikora iritsi aurretik, hirugarren mailako bi mendate (Padrungo gaina eta San Emilianoko gaina) eta lehen mailako bi (Mozquetako gaina eta Cordaleko gaina) gainditu beharko dituzte.
Zure interesekoa izan daiteke
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.