Brambilla italiarrak azken etapa eta lasterketa bereganatu ditu
Gianluca Brambilla (Trek Segafredo) italiarrak irabazi du Itsas Alpeetako Tourreko hirugarren eta azken etapa, Col de la Madoneko igoeran egindako eraso gogor batekin. Hala, Trekeko txirrindularia bakarka sartu da Blausasceko helmugan (136 km). Hamahiru segundoko tartea atera die bere atzetik heldu direnei, eta abantaila horrek lasterketa bereganatzea ahalbidetu dio.
Brambillak (33 urte) ia lau urte zeramatzan etaparik irabazi gabe, hau da, 2016ko Espainiako Vueltako hamabosgarren jardunaldia irabazi zuenetik, hain zuzen ere. Hala, Col de la Madone mendateko igoeran jotako erasoaldi gogor batekin eten du lehorte hori. Madonekoa igandeko ibilbideak zeukan 1. mailako hiru igoeretako azkena izan da. Helmugatik 26 kilometrora zegoen, eta bere aldapa gogorretan egin die eraso berarekin batera zeuden iheslariei. Valentin Madouas (Groupama-FDJ) frantziarra izan da italiarrari gehien eutsi diona, baina amore eman du amaieratik 11 kilometrora.
Brambillak hemeretzigarren postuan ekin dio azken etapari, Michael Woods (Israel Start-Up Nation) liderrarengandik 13 segundora, eta beste horrenbesteko aldea atera die bere ostean sartu den taldetxoko kideei: Geoghegan Hart britainiarra (Ineos Grenadis), Ben O’Connor australiarra (AG2R Citroën Team), Rudy Molard (Groupama-FDJ) frantziarra eta Madouas.
Ondoren, 18 segundora, bost txirrindulariko talde bat iritsi da, eta bertan zeuden, besteak beste, Woods, Mollema eta Nairo Quintana kolonbiarra (Arkea Samsic). Alde horri esker lortu du Brambillak itzulia irabaztea.
Horrenbestez, sailkapen nagusian, Brambillak bost segundo atera dizkio Woodsi, eta sei Mollemari, bigarrena eta hirugarrena, hurrenez hurren. Nairo Quintanak bederatzigarren postuan bukatu du, 18 segundora. Gorka Izagirre ormaiztegiarra, berriz, (Astana-Premier Tech) hamabigarrena izan da lasterketa amaiera, 2:13ra.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.