Tadej Pogacar

2024/07/03 - 19:08

Pello Bilbaok eta beste bost txirrindularik erorikoa izan dute, 5. etapan, 60 kilometro gelditzen zirela

Tadej Pogacar sailkapen nagusiko liderrak saihestu egin du erorikoa, baina Pello Bilbaok eta beste bost ziklistak, Oliveirak, Muhlbergerrek, Grignardek, Rickaertek eta Mohoricek, ezin izan dute, eta lurrera joan dira. Bizkaitarra kilometro batzuen buruan itzuli da tropelera.

2024/07/03 - 12:53

2024ko Frantziako Tourraren 5. etaparen profila eta ibilbidea: Saint-Jean-de-Maurienne - Saint-Vulbas (177 km)

Etapa laua izango da ia osorik, laugarren mailako bi mendaterekin bakarrik. Beraz, zaila izango da norbaitek ezustekoren bat ematea edo tropeletik ihes egitea.

2024/07/02 - 23:13

Pogacar Frantziako Tourreko liderra da Galibierren emandako erakustaldiaren ondoren

Sailkapen nagusian 45 segundo ateratzen dizkio Remco Evenepoeli eta 50 Vingegaardi. Carapaz, atzoko liderrak, denbora asko galdu du.

2024/07/02 - 20:46

Mikel Landa: ''UAE topera jarri da, eta lasterketa lehertu dute''

Soudal Quick-Step taldeko txirrindulari murgiarrak etapa bikaina egin du, zazpigarren helmugaratu da, eta postu horretan bertan dabil sailkapen nagusian. Remco Evenepoel taldekidea "ondo" dagoela uste du: "Tour asko gelditzen da oraindik".

2024/07/02 - 19:41

Tourreko 4. etapako azken kilometroak: Pogacarren garaipena eta Evenepoel, Ayuso eta Roglic 35 segundura

Jonas Vingegaard Pogacarrengandik 37 segundora iritsi da, Remco Evenepoel, Juan Ayudo eta Primoz Roglic baino bi segundo beranduago. Mikel Landak zazpigarren postuan amaitu du.

2024/07/02 - 19:27

Tadej Pogacarrek Galibierreko etapa irabazi du, Valloiren, eta Frantziako Tourreko maillot horia berreskuratu

UAE Emirates taldeko esloveniarra bakarka helmugaratu da, Alpeetako mendate mitikoan aurrera eginda. Vingegaard Pogacarrekiko 37 segundora iritsi da, Evenepoelek eta Roglicek baino bi segundo gehiago baliatuta. Mikel Landak zazpigarren postua lortu du, eta Pello Bilbao 4:01era heldu da helmugara.

2024/07/02 - 19:11

Pogacarren erasoa Galibier mendatearen igoeran, 2024ko Frantzaiko Tourrean

Frantziako Tourraren laugarren etapako Galibier mendatean Pogacarrek erasoa jo du helmugarako 19,7 kilometro faltan. Gailurrera iristen lehenengoa esloveniarra izan da, eta gainontzeko txirrindulariekiko zuloa zabaldu du.

2024/07/02 - 12:40

2024ko Frantziako Tourraren 4. etaparen profila eta ibilbidea: Pinerolo – Valloire (140 km)

Ibilbideak proban jarriko ditu txirrindularien hankak, bigarren mailako bi mendate eta maila bereziko bat izango baitituzte aurretik.

2024/07/01 - 22:25

Girmayk irabazi du Tourreko hirugarren etapa eta Carapazek lekukoa hartu dio Pogacarri lidertzan

Biniam Girmay eritrearrak irabazi du Turingo helmugan Frantziako Tourreko hirugarren etapa. Richard Carapaz ekuadortarrak berriz, liderraren maillot horia jantzi du Tadej Pogacar esloveniarra gaindituta sailkapenean.

2024/07/01 - 20:41

Richard Carapaz: ''Maillot ha janztea izugarrizko poza da niretzat''

Ekuadorreko txirrindularia da Frantziako Tourreko lider berria 3. etapa jokatu ostean, Pogacar, Vingegaard eta Evenepoelen denbora berarekin.

2024/07/01 - 19:47

Girmayk bereganatu du lehen esprinteko garaipena, eta Carapaz jantzi da horiz

Intermarché-Wanty taldeko esprinter eritrearrak lehen garaipena lortu du Tourrean, bere herrialdeko lehendabizikoa Frantziako lasterketan. Bestalde, postuen araberako sailkapenak liderraren elastikoa eman dio Richard Carapaz ekuadortarrari, Pogacarren kaltetan.

2024/07/01 - 19:29

Tourreko 3. etapako azken kilometroak, eroriko handia eta Girmayren garaipena barne

Azken hiru kilometroetan izandako eroriko handiak Frantziako Tourreko 3. etaparen amaiera baldintzatu du. Garaipena, Girmay eritrearrak lortu du esprintean.

2024/07/01 - 11:56

2024ko Frantziako Tourraren 3. etaparen profila eta ibilbidea: Piacenza-Turin (230,5 km)

Lasterketako hirugarren egunean, 111. Frantziako Tourreko etaparik luzeena jokatuko dute. Berriro ere, Italian jokatuko dute. Profila ikusita, esprinterrek ilusio handiz espero dute jardunaldi hau, bai eta iheslariek ere; helmuga Turinen izango da.

2024/06/30 - 22:39

Vauquelinek irabazi du Tourreko bigarren etapa, eta Pogacarrek jantzi du maillot horia

Kevin Vauquelin (Arkea) bakar-bakarrik helmugaratu da, eguneko ihesaldian ibili ostean. Faboritoen taldean, Tadej Pogacarrek erasoa jo du azken igoeran, eta Jonas Vingegaardek erantzun egin dio. Pogacar, Vingegaard, Remco Evenepoel eta Richard Carapaz batera heldu dira helmugara.

2024/06/30 - 20:45

Pogacar da Tourreko lider berria, Vauquelinek irabazitako etaparen ostean

Frantziarra bakar-bakarrik iritsi da helmugara, eguneko ihesaldian sartu ostean. Atzetik, Pogacarrek eta Vingegaardek aurtengo ekitaldiko lehen norgehiagoka izan dute.

2024/06/30 - 19:38

Pogacarren erasoa eta Vingegaarden erantzuna Tourreko 2. etapako San Lucako igoeran

Tadej Pogacar eta Jonas Vingegaard dira 2024ko Frantziako Tourra irabazteko faboritoak. Bigarren etaparen amaieran Pogacarrek erasoa jo du San Lucako igoeran, Vingegaardek erantzun egin dio eta biek batera aurrera jo dute. Tadej Pogacarrek jantzi du liderraren maillota.

2024/06/30 - 10:16

2024ko Frantziako Tourraren 2. etaparen profila eta ibilbidea: Cesenatico-Bolonia (198,7 km)

Berriro ere, zenbait mendate izango dituzte aurretik txirrindulariek, Italian beste behin. Hain zuzen ere, 111. Frantziako Tourraren bigarren jardunaldian sei igoera puntuagarri igo beharko dituzte, tartean 3. mailako bost; azken zatian, bi aldiz gainditu beharko dute Cote de San Luca gogorra.

2024/06/29 - 21:26

DSM taldearen lan bikaina biribildu Bardetek Tourreko estreinako etapan

Romain Bardeteke irabazi du 2024ko Frantziako Tourreko lehenengo etapa eta liderraren elastikoa, maillot horia, jantzi du. Taldekide duen Frank van der Broek izan da bigarren, frantziarrarekin batera helmugaratuta.

2024/06/28 - 15:23

Erlojupekoan amaituko da Frantziako Tourra, 35 urteren ondoren

24 ordu baino gutxiagoan abiatuko da Frantziako Tourra Florentziatik. Historian lehen aldiz ez da Parisen bukatuko, Nizan baizik. Bestalde, 35 urteren ondoren, erlojupekoarekin amaituko da.

2024/06/28 - 11:18

2024ko Frantziako Tourraren 1. etaparen profila eta ibilbidea: Florentzia-Rimini (206 km)

111. Frantziako Tourra Italian hasiko da; historian lehen aldiz abiatuko da lasterketa herrialde horretatik. Ibilbideak 206 kilometrokoa da, eta, guztira, txirrindulariek zazpi mendate puntuagarri igo beharko dituzte, horietako hiru bigarren mailakoak.