Primož Roglic
2023/05/21 - 01:51
Italiako Giroaren 15. etaparen profila eta ibilbidea: Seregno-Bergamo (195 kilometro)
Txirrindulariek lau mendate igo beharko dituzte; horietako bat 1. mailakoa da, Valico de Valcava, eta hiru 2. mailakoak, azkena helmugarako 30 kilometrora. Jardunaldi gogorra, beraz, bigarren eta azken atseden egunaren bezperan.
2023/05/20 - 19:32
Giroko 14. etapako azken kilometroa
Italiako Giroko 14. etapak amaiera zirraragarria izan du. Ihesaldiko taldetxoko txirrindularien artean erabaki da irabazlea. Fotofinisha behar izan da nork irabazi duen jakiteko.
2023/05/19 - 20:54
Italiako Giroaren 14. etaparen profila eta ibilbidea: Sierre-Cassano Magnago (193 km)
Etapak mendate bakarra du, Passo del Sempione, 1. mailakoa, ibilbidearen hasieran. Gainetik helmugara iritsi arte 150 kilometro izango dituzte, lauak.
2023/05/19 - 19:38
Einer Rubio nagusitu da Giroko 13. etapan, eta Geraint Thomasek lidertzari eutsi dio
Movistar taldeko Rubiok bereganatu du garaipena 13. etapan. Kolonbiarra ihes eginda iritsi da Pinotekin eta Cepedarekin batera, eta nagusi izan da hiruren arteko lehian. Faboritoen artean ez da surik piztu. Sailkapen nagusiko lehen postuetan ez da aldaketarik eman.
2023/05/19 - 13:55
Giroak 75 kilometrora murriztu du gaurko 13. etapako ibilbidea, meteorologiarengatik
Antolatzaileek jakinarazi dute etapa Le Chabletik abiatuko dela, 14:30ean; beraz, txirrindulariek ez dute Grand-Saint-Bernard mendatea igo beharko. Ibilbideak ez du aldaketarik izango azken 75 kilometroetan.
2023/05/19 - 11:59
Italiako Giroaren 13. etaparen profila eta ibilbidea: Borgofranco d'Ivrea-Crans Montana (199 km)
Elurte handiak egon litezke, eta elur-jausiak izateko arrisku handia dago; hori dela eta, antolatzaileek etapa honetako ibilbidea aldatu behar izan dute. Nolanahi ere, 1. mailako hiru mendate igo beharko dituzte txirrindulariek, eta jardunaldia horietako azkenean amaituko da.
2023/05/18 - 19:27
Nico Denzek trantsiziozko etapa irabazi du Rivolin, ihesaldiko indartsuena izan baita
Bora taldeko txirrindulari alemaniarrak Toms Skujins (Trek) eta Sebastian Berwick (Israel) menderatu ditu, esprintean. Geraint Thomasek ez du arazo handirik izan maglia arrosari eusteko.
2023/05/18 - 12:37
Italiako Giroaren 12. etaparen profila eta ibilbidea: Bra-Rivoli (179 km)
Colle Braida mendeatea, 2. mailakoa bera, erabakigarria izan liteke; izan ere, helmugara 30 bat kilometro geratzen direla igoko dute txirrindulariek. Kontuan izateko modukoa izan liteke, halaber, hurrengo egunean mendiko etapa handia dagoela.
2023/05/17 - 20:21
Geoghegan Hartek eta Rodriguezek Italiako Giroa utzi dute, erorikoen ondorioz
Tao Geoghegan Hart britainiarra sailkapen nagusiko hirugarrena zen Geraint Thomas liderrarekiko 5 segundora, baina erori egin da helmugarako 66 kilometro falta zirenean, eta lasterketa utzi du. Geroago, Oscar Rodriguez nafarra joan da lurrera, eta ezin izan du jarraitu.
2023/05/17 - 19:28
Pascal Ackermannek esprint ikusgarria irabazi du Tortonan, Geoghegan Hartek Giroa utzi behar izan duen egunean
UAE taldeko txirrindulari alemaniarra izan da azkarrena Giroaren hamaikagarren etapako helmugan; Ackermann bera, Milan, Cavendish eta Pedersen oso parean sartu dira. Geoghegan Hartek erorikoa izan eta lasterketa utzi behar izan du, eta hori bera gertatu zaio Oscar Rodriguezi.
2023/05/17 - 18:03
Geoghegan Hartek Giroa utzi du min hartuta, Roglic eta Thomasekin eroriko berean nahasita egon ostean
Tao Geoghegan Hartek (Ineos) min hartu du Giroko 11. etapa lehiatzen ari zela izandako eroriko batean, eta anbulantzian eraman behar izan dute. Eroriko berean Geraint Thomas (Ineos) taldekidea eta Primoz Roglic ere nahasita egon dira.
2023/05/17 - 18:00
Oscar Rodriguez burlatarrak Giroa utzi behar izan du, eroriko batengatik
Movistar taldeko nafarra, jaitsiera batean, jausi egin da, eta lasterketa utzi behar izan du. 11. etapan jazo da, jardunaldia amaitzeko 63 kilometro geratzen zirela.
2023/05/16 - 20:11
Italiako Giroaren 11. etaparen profila eta ibilbidea: Camaiore-Tortona (219 kilometro)
Aurtengo Giroaren etaparik luzeenak bi zati desberdin ditu: lehenengoa laua da, baina bigarrenean, ordea, hainbat igoera eta jaitsiera daude, tarte erabakigarrian. Parte-hartzaileek hiru mendate puntuagarri gainditu beharko dituzte; horietako bi 3. mailakoak dira, eta bestea 4. mailakoa.
2023/05/16 - 19:37
Magnus Cort Nielsen gailendu da Viareggion, eta hiru handietan etaparen bat irabazi dutenen klubean sartu da
EF Education-EasyPost taldeko txirrindulari danimarkarrak Derek Gee eta Alessandro De Marchi menderatu ditu esprintean; kilometro asko eman dituzte ihes eginda hirurek. Geraint Thomasek sailkapen nagusiko lider jarraitzen du, eta Aleksandr Vlasovek lasterketa utzi behar izan du.
2023/05/16 - 16:55
Giroak Crans Montana mendatean amaituko den etapako ibilbidea aldatu du, elurragatik
Hamahirugarren etapa izango da, eta ostiralean jokatuko dute. Horrela, etapak 199 kilometro izango ditu, ez 207, eta aurtengo Coppi Gaina ez da Grand Saint-Bernard mendatean izango, Tre Cime di Lavaredon baizik; 19. etapa amaituko da azken mendate horretan.
2023/05/16 - 13:59
Italiako Giroaren 10. etaparen profila eta ibilbidea: Scandiano-Viareggio (196 km)
Passo delle Radici (2. maila) toki ona izan liteke tropela zatitu eta helmugaraino hel litekeen ihesaldia osatzeko.
2023/05/14 - 19:33
Evenepoelek irabazi du Cesenako erlojupekoa, segundo batengatik, eta maglia arrosa berreskuratu du
Soudal QuickStep taldeko txirrindulari belgikarrak Geraint Thomasek baino segundo bat gutxiago behar izan du ibilbidea egiteko, eta Tao Geoghegan Hartek baino bi gutxiago. Sailkapen nagusian, Thomas bigarren dago, Evenepoelekiko 45 segundora, eta Roglic dabil hirugarren, 47 segundora.
2023/05/14 - 19:27
Evenepoelek liderraren elastikoa jantzi du, erlojupekoa segundo bakarragatik irabazita
Remco Evenepoel da Italiako Giroko lider berria. Belgikarrak 9. etapa irabazi du, erlojupekoan nagusituta. Segundo bakarragatik hobetu du Geraint Thomasen marka, eta 17 segundo sartu dizkio Primoz Roglici.
2023/05/13 - 19:50
Roglicek 14 segundo jan dizkio Evenepoeli, azken igoeran erasoa jota
Italiako Giroko 8. etapak amaiera zirraragarria izan du. Bazirudien faboritoek indarrak gordeko zituztela, baina Primoz Roglicek azken maldan jotako erasoak hankaz gora jarri du etapa.
2023/05/13 - 19:19
Healyk irabazi du 8. etapa, Roglicek 14 segundo sartu dizkio Evenepoeli eta Leknessundek lider jarraitzen du
EF Education First taldeko txirrindulari irlandarra ondo ibili zen Ardeetako Triptikoan, eta sasoi puntu on hori berretsi du Giroan ere. 50 bat kilometro geratzen zirela utzi ditu atzean ihesaldian berarekin zeuden gainerako ziklistak. Azken igoeran, Roglicek erasoa jo eta abantaila lortu du.