Errege Kopa

2024/02/07 - 00:01

Realak berdinketa lortu du Mallorcan (0-0), eta Reale Arenan erabakiko da nor gailentzen den finalerdian

Talde txuri-urdinak gola sartzeko hainbat aukera izan ditu, bereziki bigarren zatian, Son Moixen irabazteko, baina ezin izan du garaipena lortu, oso lehiatua izan den partidan. Hala, itzuliko neurketa, hilaren 27an, erabakigarria izango da, eta horrek zehaztuko du zein taldek egiten duen aurrera.

2024/02/06 - 20:41

Valverde: ''Ziurrenik, Atletico da etxean onena den Europako taldea''

Ernesto Valverde Athleticeko entrenatzaileak adierazi du medikuek erabakiko dutela Nico Williams Kopako finalaurreko joaneko partida jokatzeko moduan dagoen ala ez. Horrez gain, Atletico Madril gainditzeko eta finalera heltzeko dena eman beharko dutela azpimarratu du.

2024/02/06 - 18:35

Horrela ikusten dute gaur gaueko joaneko partida Mallorcan dauden Realeko zaleek

Realak, gaur gauean, Son Moixen, Mallorcaren aurka jokatu behar duen Kopako finalaurreko lehenengo neurketa izango du; ehunka zale daude bertan, taldea animatzeko, eta batzuekin izan gara, jakiteko nola ikusten duten norgehiagoka.

2024/02/06 - 09:11

Albiste izango dira: Kopako finalerdia, Mallorca – Reala; nekazarien protestak, eta akordioa itunpekoetan

Gaurkoan albiste izango direnen laburpena, bi hitzetan.

2024/02/06 - 08:56

EITBk zuzenean eskainiko ditu euskaraz Realaren eta Athleticen Kopako finalerdiak eta Sevillako Kopako finala

Gaur Mallorca-Real Sociedad eta bihar Atletico Madril-Athletic Club futbol partidak zuzenean eskainiko ditu ETB1ek, 21:00etan eta 21:30ean, hurrenez hurren, baita etxean jokatuko dituzten itzuliko norgehiagokak ere.

2024/02/05 - 22:05

Realak astearte honetan izango du Mallorcaren aurka lehen txanda Koparen finalaurrekoan

Imanolen taldea, hainbat baja eta zalantza hamaikakoa osatzeko, itxaropen guztiak Erregearen Kopan jarri dituen aurkari batekin aurkituko da.

2024/02/05 - 18:57

Imanol Alguacil: ''Ez da partida erraza izango''

Realak Mallorcaren aurka jokatuko du asteartean, Errege Kopako finalerdietako joaneko partida.

2024/02/05 - 15:49

Odriozolak eskuineko belaunean lesioa duela adierazi du Realak; Oyarzabal, aldiz, ez da taldearekin entrenatu

Hamari Traore taldekideekin entranatu da, Maliko selekzioarekin jokatu ostean. Sheraldo Beckerrek lesioa du eskuin hankako muskulatura iskiosuralean, eta ez du jokatuko Kopako finalerdietako joaneko partida.

2024/02/04 - 13:50

Kubok bat egin du taldekideekin, eta prest dago Kopako finalerdietako joaneko partidarako

Japoniako selekzioarekin Asiako Kopatik at geratu ostean, Take Kubok bat egin du Realaren espedizioarekin Bartzelonan. Handik Palmara bidaiatu du taldekideekin batera, otsailaren 6an Errege Kopako finalerdietako joaneko partida jokatzeko Mallorcaren aurka.

2024/02/03 - 17:01

Nico Williamsek lesioa du izterrean, eta zalantzan dago Kopan Atleticoren aurka parte hartuko duen

Athleticeko jokalariak min hartuta amaitu du Mallorcaren kontrako Ligako partida. Klubak jakinarazi du Nicok lesioa duela eskuin izterreko gihar aduktorean. Iñaki Williamsek, berriz, min zehaztugabea du ezker oinean.

2024/02/02 - 14:42

Olabe: ''Otsail oso exijentea eta oso ilusionagarria daukagu aurrean, prest gaude''

Roberto Olabe Realeko futbol zuzendariak prentsaurrekoan hitz egin du gizonezkoen taldeak denboraldi amaierara arte dituen erronkei buruz. Imanol Alguacilen etorkizuna ere izan du hizpide. Gainera, "Mallorca PSG baino gehiago errespetatzeko eskatu du". (adierazpenak gaztelaniaz)

2024/02/01 - 16:07

Lehiaketa Batzordeak ez du onartu Atletico Madril-Athletic Kopako partidaren ordutegi aldaketa

Horrenbestez, madrildarren eta zuri-gorrien arteko Kopako finalerdiko joaneko partida otsailaren 7an, asteazkenean, jokatuko da, 21:30etik aurrera.

2024/01/26 - 16:41

Atletico-Athletic kanporaketako joaneko partida otsailaren 7an eta itzulikoa hilaren 29an; biak, 21:30ean

Koltxoneroen eta lehoien arteko Kopako finalerdietako joaneko norgehiagoka otsailaren 7an, asteazkenean jokatuko da Metropolitanon. Iztulikoa San Mamesek hartuko du otsailaren 29an, ostegunean. Bi partidak 21:30ean izango dira.

2024/01/26 - 16:17

Mallorca-Reala kanporaketako joaneko partida, otsailaren 6an, 21:00etan; itzulikoa, otsailaren 27an 21:30ean

Balearretako eta Donostiako taldeen arteko Errege Kopako finalerdietako joaneko neurketa otsailaren 6an jokatuko da Son Moixen, 21:00etan. ITzuliko norgehiagoka otsailaren 27an izango da, Anoetan, 21:30ean.

2024/01/26 - 15:36

Herrera: ''Tituluak irabazteko eginda dagoen talde bat dugu aurkari, zaila izango da''

Ander Herrera Athleticeko jokalariak Errege Kopako finalerdietako kanporaketari buruz hitz egin du. Bilboko taldeak Atletico Madril izango du aurkari. Joaneko neurketa Metropolitanon jokatuko da; itzulikoa, ostera, San Mamesen.

2024/01/26 - 15:24

Elustondo: ''Itzuliko partida etxean jokatu nahi genuen, orain amestera eta finalerdiak irabaztera''

Aritz Elustondo Realeko jokalariak ERrege Kopako finalerdietako kanporaketari buruz hitz egin du. Talde txuri-urdinak Mallorca izango du aurkari. Joaneko norgehiagoka Son Moixen jokatuko da; itzulikoa, aldiz, Anoetan. (adierazpenak gaztelaniaz)

2024/01/26 - 14:38

Mallorca-Reala eta Atletico Madril-Athletic, Kopako finalerdietako kanporaketak

Donostiako taldeak Son Moixen jokatuko du joaneko neurketa otsailaren 6an eta Anoetan itzulikoa otsailaren 27a. Bilboko taldeak, aldiz, Metropolitanora egoingo du bisita otsailaren 7an eta itzuliko norgehiagoka hilaren 29an San Mamesen.

2024/01/26 - 11:40

Jarraitu zuzenean Errege Kopako finalerdietako zozketa, eitb.eus-en, 13:00etatik aurrera

Euskal derbia izan liteke finalaurrekoan. Bi partidako kanporaketa izango da; joanekoa otsailaren 6an, 7an edo 8an jokatuko dute, eta itzulikoa, aldiz, hilaren 27an, 28an edo 29an. Mallorca eta Atletico Madril dira sailkatuta dauden beste bi taldeak.

2024/01/25 - 22:07

Realaren eta Athleticen arteko balizko derbia, finalean edo finalerdietan nahiago?

Reala, zein, Athletic Errege Kopako finalerdietara sailkatu dira jada. Zer nahiago ote dute donostiarrek eta bilbotarrek? Final edo finalaurreko hipotetiko batzuetan tupust egitea?

2024/01/25 - 09:18

Iñaki Williams: ''Batzuetan patua apetatsua da, eta ametsak bete daitezen nahi du''

Iñaki Willliamsek partida honetan parte hartu izana ametsa izan dela esan du, Errege Kopako final laurdenetako kanporaketan Bartzelona 4-2 mendean hartu ostean. Hirugarren gola berak egin du.