Iron Cup

2025/05/31 - 02:10

Elaia eta Frida, 2025eko Iron Cupeko txapeldunak!

Elaiak eta Fridak buelta eman diote Iharten eta Maialenen aurka galtzen hasi diren partidari, eta garaile atera dira finalean. Lehen seta 11-15 galdu arren, bigarrenean 15-11 nagusitu dira eta set erabakigarrian hutsean utzi dituzte aurkariak (5-0).

2025/05/31 - 01:35

Erkiagak eta Gorkak jantzi dituzte 2025eko Iron Cupeko txapelak

Erkiagak eta Gorkak hirugarren setera arte itxaron behar izan dute Barandika eta Basque garaitzeko. Lehia estua izan dute bi bikoteek, baina irabazleak garaiz esnatu dira txapelak bereganatzeko (15-9, 6-15 eta 5-3).

2025/05/24 - 01:59

Barandikak eta Basquek partida irauli dute Iron Cupeko finalean sartzeko

Lehen seta galdu arren, Barandikak eta Basquek finalaurrekoari buelta ematen jakin dute, eta Laduche eta Del Rio mendean hartu dituzte (14-15, 15-7 eta 5-4). Horrela, Erkiaga eta Gorka izango dituzte aurkari final handian.

2025/05/24 - 00:30

Ihart eta Maialen izango dira Elaiaren eta Fridaren aurkariak Iron Cupeko finalean

Ihartek eta Maialenek finalerdi bikaina jokatu dute, eta bi setetan garaitu dituzte Maite eta Olaia (15-7 eta 15-12). Hala, Elaia eta Fridaren aurka lehiatuko dira finalean, horiek aurreko finalerdian irabazi ondoren.

2025/05/16 - 23:38

Erkiaga eta Gorka finalerdi bikaina eginez pasatu dira Iron Cupeko finalera

Erkiagak eta Gorkak aise menderatu dituzte Urreisti eta Ibarluzea Iron Cupeko finalerdietan. Lehen seta lehiatuagoa izan da, baina bigarrenean Erkiaga eta Gorka jaun eta jabe izan dira eta finalerako txartela lortu dute (15-10 eta 15-5).

2025/05/16 - 22:37

Elaia eta Frida, Iron Cupeko lehen finalistak

Helena eta Maia argi eta garbi nagusitu dira finalerdiko lehen setean, baina Elaia eta Frida suspertu egin dira eta bigarrenean buelta eman diote partidari. Behin betiko setean, Elaia eta Frida finalerako sailkatu dira (8-15, 15-10, 5-3).

2025/05/10 - 00:19

Barandika eta Basque Laduche eta Del Rioren aurka lehiatuko dira Iron Cupeko finalerdietan

Barandikak eta Basquek bi setetan menderatu dituzte Urreisti eta Ibarluzea B multzoko lider gisa heltzeko finalerdietara. Hala, bigarren partidan nagusi izan diren Laduche eta Del Rio izango dituzte aurkari, horiek Olharan eta Lekerika garaituta heldu baitira finalerdietara.

2025/05/03 - 14:48

Erkiaga-Gorka eta Barandika-Basque sailkatu dira Iron Cupeko finalerdietara

Iron Cup txapelketako bigarren jardunaldian, A multzoko partidan, Laduchek azken sakean egindako pasak Erkiaga eta Gorkari eman die garaipena. B multzoan, Barandikak eta Basquek bi setetan (11-15 eta 9-15) menderatu dituzte Goixerri eta Lopez.

2025/04/26 - 00:35

Urreisti-Ibarluzea eta Erkiaga-Gorka nagusitu dira Iron Cup txapelketaren estreinuan

Urreisti eta Ibarluzea bi setetan nagusitu dira (14-15 eta 11-15) Goixerri eta Lopezen aurka jokatutako lehen partidan. Bigarrenean, Erkiagak eta Gorkak ere Olharan eta Lekerika menderatu dituzte bi setetan (15-8 eta 1-13).

2025/04/23 - 16:09

2025eko Iron Cup txapelketa aurkeztu dute: apirilaren 25etik maiatzaren 30era artean jokatuko da, Bilbon

Bilbon aurkeztu dute 2025eko Iron Cup txapelketa. Gizonezkoen mailan Slam kategoriako txapelketa izango da; emakumezkoen mailan, aldiz, Master Series kategoriakoa. Partida guztiak eitb.eus-en eta Euskal Telebistan izango dituzu ikusgai.

2025/04/23 - 15:30

Iron Cup txapelketa apirilaren 25etik maiatzaren 30era artean jokatuko da, Bilboko Deportivoko pilotalekuan

Bilboko Deportivo pilotalekuak hartuko du Jai Alai Leagueko Iron Cup txapelketaren 2025eko edizioa. Emakumezkoen txapelketa maiatzaren 16an hasiko da, eta lau bikote lehiatuko dira; gizonezkoenean sei bikote ariko dira lehian, apirilaren 25ean hasita.

2024/06/08 - 02:22

Elaia eta Ihart: ''Estrategia argia zen: atzean kargatu, Erikari aukerarik ez emateko''

Elaia Gogenolak eta Ihart Arakistainek irabazi dute 2024ko Bilbao Iron Cup, Deportivon. Finala amaituta, elkarrekin egindako lanaz harro daudela nabarmendu dute.

2024/06/08 - 02:21

Elaia-Ihart eta Erkiaga-Ibarluzea bikoteek irabazi dute 2024ko Bilbao Iron Cup

Ostiralean Deportivon jokatutako finalean, Elaiak eta Ihartek Erika eta Frida menderatu dituzte, hiru jokotan (15-12, 12-15 eta 5-1), eta Erkiagak eta Ibarluzeak Urrutia eta Del Rio garaitu dituzte, bi setetan (15-4 eta 15-13).

2024/06/08 - 01:30

Erkiaga eta Ibarluzea: ''Gakoa izan da Del Rioren eskuina saihestu dugula''

Bilbao Iron Cupeko finalean, ostiralean, lortutako garaipena zenbatuta, Thomas Urrutia eta Julen del Rio aurkari, Aritz Erkiagak eta Ion Ibarluzeak beste txapel bat eskuratu dute. Erkiaga eta Ibarluzea bi jokotan gailendu dira.

2024/06/07 - 03:13

Julen del Rio eta Asier del Rio, asteburuko finaletan atzelari: ''Ez gara familiakoak''

Julen gasteiztarra zesta-puntan dabil, eta Iron Cupeko finala jokatuko du ostiralean; Asier lezamarra palista da, eta Bizkaiko Openeko finalean arituko da larunbatean. EITBk biak batu ditu.

2024/06/01 - 16:45

Urrutia-Del Rio eta Erika-Frida Iron Cup txapelketako finalean izango dira

Urrutia eta Del Rio bi setetan nagusitu dira Laduche eta Manci bikotearen kontrako norgehiagokan; Erikak eta Fridak, berriz, Maite eta Arai hartu dituzte mendean. Final handia ekainaren 7an izango da.

2024/06/01 - 13:46

Urrutia-Del Rio eta Erika-Frida, Iron Cup txapelketako finalera

Urrutia eta Del Rio bi setetan nagusitu dira Laduche eta Manci bikotearen kontrako norgehiagokan. Erikak eta Fridak, berriz, Maite eta Arai hartu dituzte mendean. Final handia ekainaren 7an izango da.

2024/05/25 - 18:05

Elaiak eta Ihartek lortu dute Iron Cup txapelketako finalerako txartela

Elaia Gogenolak eta Ihart Arakistainek jokatuko dute Bilbao Jai Alai Iron Cup txapelketako finala, Bilboko Deportivo frontoian ostiralean jokatutako finalaurrekoan Helena Barrenetxea eta Maialen Mendizabal nagusitasunez mendean hartuta.

2024/05/25 - 13:49

Erkiaga-Ibarluzea, Bilbao Jai Alai Iron Cup txapelketako lehen finalistak

Aritz Erkiagak eta Ion Ibarluzeak jokatuko dute Iron Cup txapelketako finala, Bilboko Deportivo frontoian jokatutako finalaurrekoan Alex Goitia eta Thibault Basque 12-15, 15-10 eta 5-2 garaituta.

2024/05/25 - 01:18

Erkiaga-Ibarluzea eta Elaia-Ihart, Iron Cup txapelketako lehen finalistak

Erkiaga eta Ibarluzea hiru setetan nagusitu dira Goitia eta Basqueren kontrako norgehiagokan. Elaiak eta Ihartek, berriz, Barrenetxea eta Mendizabal hartu dituzte mendean. Bigarren finalerdia maiatzaren 31n jokatuko da, eta final handia ekainaren 7an izango da.