Unai Laso, 2024ko Lau t'erdiko txapeldun finalean Peio Etxeberria 22-19 mendean hartuta
Unai Lasok irabazi du 2024ko Lau t'erdiko Txapelketa. Bizkarretako pilotariak 22-19 hartu du mendean Peio Etxeberria igandean Bilbon jokatutako finalean; horrenbestez, Lasok, 2022ko Buruz Buruko txapelduna, lehen aldiz jantzi du Lau t'erdikoaren txapela, 27 urte dituela.
Bizkaia frontoia erabat beterik izan da, eta final bikaina ikusi dute zaleek. Biek ala biek bizitasun handiz jokatu dute norgehiagokaren hasieratik. Etxeberria aritu da hobeto lehenengo zatian, eta markagailuan 10-14koa zegoenean bazirudien zenoztarrak gertuago zuela txapela, baina Lasok irauli egin du markagailua, eta garaipena eskuratu du, azken tantoetan oso ondo jokatuta.
Peio Etxeberriak izan du finaleko lehenengo sakea, eta 5 tanto jarraian egin ditu. Neurketaren hasieran, erritmo oso bizia izan da, eta Etxeberriak maila bikaina eman du aurreneko tanto horietan. Unai Lasok 1-5ekoan egin du lehenengo tantoa, baina 2-6koan berriro galdu du sakea. Biak ala biak errematearen bila zebiltzan, ahal zuten bakoitzean, eta zaleak gozatzen ari ziren, baina Peio gehiago ari zen asmatzen hasierako txanpan (3-7).
Bi tanto bata bestearen ondoan eginda, Lasok 5-7koa jarri du, baina, hurrengo tantoan, joan egin zaio errematea, zabalera. Baikokoa, dena den, markagailua parekatzen ari zen; falta egin du jarraian, eta ezin izan du 8-8koa jarri. Peio Etxeberriak, zabalera ezin hobeto irekita, 8-10ekoa erdietsi du. Zenoztarrarren hamaikagarrena (8-11) ere, ikusgarria izan da.
Berriro ere bi tanto jarraian eginda, 10-12koan, bazirudien Laso berdintzeko moduan zegoela, baina Etxeberriak 13.a egin du, eta amaiera eman dio aurkariaren boladari. Unai Lasok ez zuen amore ematen, eta beste behin kokatu da tanto bakar batera (13-14).
Finaleko lehenengo berdinketa 14-14koa izan da. Peio Etxeberriak hartu du berriro ere aurrea, baina bigarren berdinketa heldu da segituan (15-15). Unai Laso 16-15ekoan jarri da aurrenekoz markagailuan aurretik. Partida emozio handikoa zen, eta une horretan ezinezkoa zen asmatzea zeinek eskuratuko zuen garaipena.
Unai Laso 18-17 irabazten ari zela, finaleko une erabakigarrietan Bizkarretakoa indartsuago zegoela zirudien. Baikokoak hiru tanto jarraian egin ditu (20-17), baina kanpora joan zaio errematea ondorengoan, eta Etxeberriak berreskuratu du sakea. Horma-biko ederra eginda, Lasok 21.a egin du, baina Peiok 21-19koa jarri du ondoren.
Finaleko azken tantoa, Unai Lasori kaiolako lehenengo txapela eman diona, 22-19koa izan da. Ikusgarria izan da, partidako beste asko bezala. Tanto hori egindakoan, txapeldunak biziki ospatu du garaipena; izan ere, estreinakoz gailendu da Laso Lau t'erdikoan.
Markagailuaren bilakaera
0-1/0-2/0-3/0-4/0-5/1-5/2-5/2-6/3-6/3-7/4-7/5-7/5-8/6-8/7-8/7-9/8-9/8-10/8-11/8-12/9-12/10-12/10-13/10-14/11-14/12-14/13-14/14-14/14-15/15-15/16-15/16-16/16-17/17-17/18-17/19-17/20-17/20-18/21-18/21-19/22-19.
Sakez egindako tantoak
Unai Laso: 1
Peio Etxeberria: 2
Zure interesekoa izan daiteke
Peio Etxeberria, finalaren biharamunean: ''Oso pozik nago hau lortuta''
Peio Etxeberria da lau t'erdiko txapelduna, atzoko finalean Javi Zabala mendean hartuta. Nola sentitzen den kontatu du biharamunean.
Harrera beroa egin diote Peio Etxeberria txapeldunari
Lau T'erdiko txapeldun berriaren zain egon dira lagunak eta familia, denek batera gogoz ospatzeko txapela.
2025eko Lau t'erdiko Txapelketaren egutegia eta emaitzak
Urriaren 3tik azaroaren 16ra bitartean jokatuko dute.
Peio Etxeberriak aurrenekoz irabazi du Lau t'erdikoa, finalean Zabala menderatuta (22-11)
Errioxarrak ekin dio hobeto partidari, baina, 2-4kotik, nafarra gehiago izan da, eta aise gailendu. Horrenbestez, Peio Etxeberriak lehen aldiz bereganatu du txapela Lau t'erdikoan.
Javi Zabala: ''Peio Etxeberriak oso ondo jokatu du paretatik, oso luze; ezin izan dut haren lekutik atera''
Naiarako pilotariak 2025eko Lau t'erdiko finala galdu du, 22-11, Peio Etxeberria aurkari. Norgehiagokaren ostean, Zabalak adierazi du gakoetakoa izan dela nola, 2-4koan, nafarrak buelta eman dion egoerari (adierazpenak, gaztelaniaz).
Peio Etxeberria: ''Tentsioa nuen, lehen tantoa oso gogorra izan da; saiatu naiz egiten hona ekarri nauena''
Zenoztarrak 2025eko Lau t'erdiko Txapelketa irabazi du, final handian Javi Zabala 22-11 mendean hartuta. Partida amaitutakoan, Peio Etxeberriak onartu du kosta egin zaiola hasieran Zabalari aurre egitea, eta, hunkituta, egunerokoan aldamenean izaten dituenak gogoratu ditu.
Peio Etxeberriak Lau t’erdiko Txapelketa irabazi du, finalean Zabala aise menderatuta (22-11)
Zenoztarrak Javi Zabala mendean hartu du, errioxarrak partidari nafarrak baino hobeto eutsi badio ere, igandean jokatu duten finalean; hala, Lau t’erdikoan lortu duen lehenengo txapela bereganatu du, 2023an eta 2024an txapeldunorde amaitu eta gero.
Nork irabaziko du finala, gure adituen arabera?
Egun bat besterik ez da falta Peio Etxeberriaren eta Javier Zabalaren arteko final handirako. Finalaren atarian, gure adituengana jo dugu euren iritzia jakiteko.
Peio Etxeberria eta Javier Zabala, final oso ireki bateko lehen txapelaren bila
Azken bi edizioetan finalista izateak Zenozko pilotaria faborito egin du pronostikoetan, lehen mailan titulurik ez duen baina sekulako progresioa izan duen Zabalaren aurka. Finala eitb.eus-en izango da ikusgai, igande honetan, 16:30etik aurrera.
Titin III: ''Javierrek final handia egingo duelakoan nago''
18 urte geroago, pilotari errioxar batek berriro eraman lezake Lau t'erdiko txapela. 2007an azkenengoz balentria hori lortu zuen pilotari errioxarrarekin izan gara, Augusto Ibañez, Titinekin. Bihotzeko gaitz bat igarota, frontoietan bueltan da berriz.