Altuna sailkatuta dago, eta ez du jokatuko asteburuan; Ezkurdia-Jaka eta Artola-Peña partidak, erabakigarriak
Hurrengo asteburuan, hilaren 28an, larunbatean, eta 29an, igandean, 2023ko Lau t'erdiko Txapelketako partida erabakigarriak jokatuko dituzte, final laurdenetako ligaxkaren hirugarren eta azken jardunaldiaren barnean; izan ere, bi egun horietan Ezkurdia-Jaka eta Artola-Peña neurketak izango dira, eta bi partida horiek, ligaxkakoak izan arren, kanporaketa zuzena izango balira bezala har ditzakegu, irabazleek finalerdietarako txartela lortuko baitute, eta galtzaileak, ordea, agur esango baitio txapelketari. Gainera, hirugarren jardunaldian ez da beste partidarik izango: Jokin Altunak, sorbaldan minduta, ez du Aitor Elordiren aurka jokatuko, eta lesionatuta dagoen Iker Salaberriaren eta Peio Etxeberriaren arteko norgehiagoka ere ez da izango. Ez zegoen ezer jokoan horietan, Altuna eta Peio Etxeberria finalerdietarako sailkatuta daude eta.
Testuinguru horretan, Lau t'erdikoaren bigarren jardunaldiaren azken partidan, igandean, Jokin Altunak 22-11 menderatu zuen Jon Ander Peña, Eibarren; amezketarrak, hala, sailkatzea bermatu zuen, baina neurketa minduta amaitu zuen. Azken tantoetako batean, Altunak kolpea hartu zuen ezkerreko sorbaldan, pilota bat jaso nahirik, eta mina hartu zuen abuztuko Andre Mari Zuriaren txapelketatik minduta duen sorbaldan. Amezketarrak partida amaitu ahal izan zuen, baina argi utzi zuen ez dela kantxaratuko jokatu gabe duen neurketan, alegia, Aitor Elordiren aurkakoan.
Jardunaldiaren hasieran, ostiralean, Bilboko Deportivon, Peio Etxeberriak 22-19 hartu zuen mendean Joseba Ezkurdia, A multzoan, eta, horrenbestez, finalerdietarako sailkatu zen. Egun horretan bertan, Erik Jakak, jokatu gabe, 22-0eko emaitza izan zuen Iker Salaberria aurkari, azken horrek bertan behera utzita baitzuen Altsasun jokatu beharreko partida, eskua minduta duela. Hala, Ezkurdiak eta Jakak, larunbatean, Bermeon, hil ala biziko neurketa jokatuko dute; garailearentzako saria izango da finalerdietan izatea.
B multzoan, Altunak bermatuta du finalaurrekoa jokatu ahal izatea, eta Elordik, aldiz, ez du inolako aukerarik; hala, Iñaki Artola, larunbatean Tafallan Buruz Burukoaren txapelduna menderatuta, Jon Ander Peñarekin lehiatuko da igandean, finalerdirako txartela lortzea helburu. Aurreko egunean bezala, irabazleak aurrera egingo du, eta galtzailea, aldiz, txapelketatik at geldituko da.
Finalerdiak azaroaren 4an eta 5ean jokatuko dituzte, Gasteizen eta Eibarren; hirugarren posturako partida hilaren 12an izango da, igandez, eta 2023ko Lau t'erdikoaren final handia azaroaren 19an jokatuko dute, Bilbon.
Zure interesekoa izan daiteke
Peio Etxeberria, finalaren biharamunean: ''Oso pozik nago hau lortuta''
Peio Etxeberria da lau t'erdiko txapelduna, atzoko finalean Javi Zabala mendean hartuta. Nola sentitzen den kontatu du biharamunean.
Harrera beroa egin diote Peio Etxeberria txapeldunari
Lau T'erdiko txapeldun berriaren zain egon dira lagunak eta familia, denek batera gogoz ospatzeko txapela.
2025eko Lau t'erdiko Txapelketaren egutegia eta emaitzak
Urriaren 3tik azaroaren 16ra bitartean jokatuko dute.
Peio Etxeberriak aurrenekoz irabazi du Lau t'erdikoa, finalean Zabala menderatuta (22-11)
Errioxarrak ekin dio hobeto partidari, baina, 2-4kotik, nafarra gehiago izan da, eta aise gailendu. Horrenbestez, Peio Etxeberriak lehen aldiz bereganatu du txapela Lau t'erdikoan.
Javi Zabala: ''Peio Etxeberriak oso ondo jokatu du paretatik, oso luze; ezin izan dut haren lekutik atera''
Naiarako pilotariak 2025eko Lau t'erdiko finala galdu du, 22-11, Peio Etxeberria aurkari. Norgehiagokaren ostean, Zabalak adierazi du gakoetakoa izan dela nola, 2-4koan, nafarrak buelta eman dion egoerari (adierazpenak, gaztelaniaz).
Peio Etxeberria: ''Tentsioa nuen, lehen tantoa oso gogorra izan da; saiatu naiz egiten hona ekarri nauena''
Zenoztarrak 2025eko Lau t'erdiko Txapelketa irabazi du, final handian Javi Zabala 22-11 mendean hartuta. Partida amaitutakoan, Peio Etxeberriak onartu du kosta egin zaiola hasieran Zabalari aurre egitea, eta, hunkituta, egunerokoan aldamenean izaten dituenak gogoratu ditu.
Peio Etxeberriak Lau t’erdiko Txapelketa irabazi du, finalean Zabala aise menderatuta (22-11)
Zenoztarrak Javi Zabala mendean hartu du, errioxarrak partidari nafarrak baino hobeto eutsi badio ere, igandean jokatu duten finalean; hala, Lau t’erdikoan lortu duen lehenengo txapela bereganatu du, 2023an eta 2024an txapeldunorde amaitu eta gero.
Nork irabaziko du finala, gure adituen arabera?
Egun bat besterik ez da falta Peio Etxeberriaren eta Javier Zabalaren arteko final handirako. Finalaren atarian, gure adituengana jo dugu euren iritzia jakiteko.
Peio Etxeberria eta Javier Zabala, final oso ireki bateko lehen txapelaren bila
Azken bi edizioetan finalista izateak Zenozko pilotaria faborito egin du pronostikoetan, lehen mailan titulurik ez duen baina sekulako progresioa izan duen Zabalaren aurka. Finala eitb.eus-en izango da ikusgai, igande honetan, 16:30etik aurrera.
Titin III: ''Javierrek final handia egingo duelakoan nago''
18 urte geroago, pilotari errioxar batek berriro eraman lezake Lau t'erdiko txapela. 2007an azkenengoz balentria hori lortu zuen pilotari errioxarrarekin izan gara, Augusto Ibañez, Titinekin. Bihotzeko gaitz bat igarota, frontoietan bueltan da berriz.