Binakakoa

2024/12/25 - 21:54

Ezkurdiak eta Rezustak bostetik bost puntu lortu dituzte, Mariezkurrenari eta Artolari 22-15 irabazita

Gorriak izan dira nagusi Gabon egunean Eibarko Astelena frontoiak jokatutako partidan. Ezkurdiak eta Rezustak 22-15 hartu dituzte mendean Mariezkurrena eta Artola. Hori dela eta, orain arteko neurketa guztiak irabazita, lehen postuan daude.

2024/12/25 - 20:46

Pilotakada gogorra jaso du Artolak buruan

10-4 gorriak aurretik zirela, Mariezkurrenaren pilotakada batek Artolaren buruan amaitu du. Kantxatik atera behar izan duen arren, jokatzen jarraitu ahal izan du, eta partida amaieran ondo dagoela adierazi du.

2024/12/24 - 16:25

Elordik eta Zabaletak 13-22 irabazi diete Jakari eta Imazi

Binakako Txapelketaren 5. jardunaldia abiatu zen atzo Durangoko Ezkurdin. Elordik eta Zabaletak 13-22 hartu zituzten mendean Jaka eta Imaz.

2024/12/24 - 10:34

Elordik eta Zabaletak 22-13 irabazi die Jakari eta Imazi

Elordi eta Zabaleta izan dira nagusi Durangoko Ezkurdi frontoian jokatutako norgehiagokan, Binakako Txapelketako bosgarren jardunaldiko lehen partidan.

2024/12/23 - 15:30

Partida gogoangarria utzi du Binakako Txapelketaren 4. jardunaldiak

Artolak eta Mariezkurrenak Altuna eta Arangurenen aurka lortutako garaipena da 4. jardunaldiak utzi duen neurketa azpimarragarriena, markagailua ustekabean irauli dute eta.

2024/12/22 - 21:44

Partida ikusgarria eta Artola-Mariezkurrena bikotearen erakustaldia Arrasaten (19-22)

Partida gogoangarria izan da gaur Arrasateko frontoian. Jokin Altuna eta Aitor Aranguren 17-4 joan dira aurretik markagailuan, baina Iñaki Artolak eta Jon Mariezkurrenak 12 tanto egin dituzte errenkadan, eta, azkenean, emaitza iraultzea lortu dute, bukaeran tanto ikusgarriak eginda.

2024/12/21 - 22:50

Ezkurdiaren eta Rezustaren gozamena, Peñaren eta Albisuren sufrikarioa (22-14)

Joseba Ezkurdiak eta Beñat Rezustak laugarren puntua bereganatu dute Binakako Txapelketako ligaxkan, Jon Ander Peñari eta Jon Ander Albisuri 22-14 irabazita, Labriten.

2024/12/21 - 22:20

Elordik eta Zabaletak partida bikaina osatuz lortu dute hirugarren garaipena (22-21)

Laso eta Iztueta menderatu dituzte maldan gora jarri zaien partida irauliz, eta azkeneraino borrokatu behar izan dute 22ra iristeko.

2024/12/21 - 00:56

Uste baino gehiago kosta zaie Jaka eta Imazi Etxeberria eta Martija garaitzea (22-20)

Jaka eta Imaz gogor hasi eta 14-4 jarri dira markagailuan, baina urdinek ez dute amore eman eta egoerari buelta ematea lortu dute, tanto bakarrera hurbiltzeraino. Hala ere, gorriak atera dira garaile.

2024/12/18 - 15:41

Aranguren, baikor, igandeko Binakako Txapelketako partida jokatzeko aukerekin ikusten du bere burua

Aitor Arangurenen parte-hartzea zalantzan dago Binakako Txapelketako 4. jardunaldiko partidarako. Atzelariak fisura du ezker eskuko hatz nagian; hala ere, uste du ferula jarrita jokatzeko prest egongo dela. Jokatuz gero, Altunarekin ariko da, Artola-Mariezkurrena II bikotearen kontra.

2024/12/15 - 22:18

Ezkurdiak eta Rezustak Altuna eta Aranguren garaitu dituzte gorenean jarraitzeko (11-22)

Partida parekatu hasi da markagailua 9-10 jarri arte. Hortik aurrera Ezkurdia eta Rezusta jaun eta jabe ibili dira eta hirugarren garaipena eskuratu dute.

2024/12/14 - 23:00

Elordik eta Zabaletak garaipena lortu dute, Labriten, Peio Etxeberria eta Martija mendean hartuta (22-15)

Horrenbestez, Aitor Elordik eta Jose Javier Zabaletak bi puntu dituzte jada sailkapenean. Peio Etxeberria eta Martija 8-2 aurreratu dira, baina gorriek markagailua irauli dute, eta garaipena eskuratu.

2024/12/14 - 10:52

Lasok eta Iztuetak, hirutik hiru (22-5)

Gipuzkoarrak eta nafarrak Larrazabal (Peña II.aren ordezkoa) eta Albisu menderatu dituzte Zornotzan jokatutako hirugarren jardunaldiko partidan.

2024/12/13 - 21:48

Artola eta Mariezkurrena II.a garaile Jakaren eta Imazen aurka (22-14)

Alegiakoa indartsu itzuli da kantxetara. Berriozarko bizkartzainarekin bikotea osatuta, 22-14 garaitu dituzte Jaka eta Imaz. Bigarren puntua izan da Artola eta Mariezkurrenarentzat.

2024/12/10 - 13:19

Artola prest da Binakakoaren 3. jardunaldiko partida jokatzeko, eta Larrazabalek Peña II ordezkatuko du

Iñaki Artolak debuta egingo du 2024-2025 Binakako Txapelketan, abenduaren 13an. Alegiakoa min hartuta egon da lehen bi jardunaldietan. Artolak bikotea osatuko du Mariezkurrena II.arekin eta Jaka-Imaz bikotea izango dute aurkari. Bestalde, Peña II baja da, eta Larrazabalek jokatuko du haren ordez.

2024/12/09 - 20:24

Larrazabalek eta Mariezkurrena II.ak markagailua irauli eta lehen puntua eskuratu dute, Binakakoan (21-22)

Peña II.a eta Albisu hartu dituzte mendean, oso parekatua izan den partidan; izan ere, bederatzi berdinketa izan dira. Gorriak 21-18 ari ziren irabazten, baina Iker Larrazabalek eta Jon Mariezkurrenak garaipena lortu dute, Tolosan.

2024/12/09 - 00:05

Elordik eta Zabaletak erakustaldia egin dute Altuna III eta Arangurenen aurrean (3-22)

Aitor Elordik eta Jose Javier Zabaletak sekulako jipoia eman diete Jokin Altunari eta Aitor Arangureni: 3-22 gailendu zaizkie, Atano pilotalekuan. Elordik eta Zabaletak erakustaldia egin dute; Altunari eta Arangureni, berriz, ez zaie ezer ondo atera.

2024/12/07 - 22:38

Lasok eta Iztuetak bigarren garaipena lortu dute, Jaka eta Imaz menderatuta (18-22)

Unai Lasok eta Martxel Iztuetak 18-22 irabazi diete Erik Jakari eta Ander Imazi, Miribillan, eta, ondorioz, bigarren puntua bereganatu dute Binakako Txapelketan.

2024/12/07 - 21:59

Ezkurdiak eta Rezustak 22-15 menderatu dituzte P. Etxeberria eta Martija partida bigarren zatian iraulita

Peio Etxeberriak eta Julen Martijak indartsu hasi dute partida, baina Joseba Ezkurdiak eta Beñat Rezustak emaitza iraultzea lortu dute bigarren zatian, eta bigarren garaipena erdietsi dute Binakako Txapelketan.

2024/12/06 - 18:27

Astelehenera arte atzeratu dute Tolosako Beotibarren jokatu behar zen Binakako Txapelketako partida

Frontoian pilatu den hezetasuna dela eta, Peña II-Albisu eta Larrazabal-Mariezkurrena II bikoteen arteko partida astelehenera arte atzeratzea erabaki dute antolatzaileek.