Joseba Ezkurdia eta Beñat Rezusta, 2025eko Binakako txapeldunak (22-20)
Joseba Ezkurdiak eta Beñat Rezustak irabazi dute 2025eko Binakako Txapelketa, igandean, Nafarroa Arenan (Iruñea), finalean 22-20 menderatu baitituzte Iñaki Artola eta Jon Mariezkurrena. Horrenbestez, Arbizuko aurrelariak hirugarren aldiz jantzi du Binakako Txapelketako txapela, 2018an eta 2020an ere irabazi baitzuen, eta Bergarako atzelaria ere hirugarrenez gailendu da Binakakoan, 2017an eta 2019an ere nagusitu zelako.
Final oso gogorra izan da, eta lau pilotariek maila oso ona eman dute, indar handiz jokatuta. Gakoak bi izan dira: batetik, Ezkurdiak eta Rezustak hasiera ederra eman diote neurketari, eta, bestetik, Baikoko bikoteak bost aldiz izan du markagailuan tanto bakarrera jartzeko aukera, baina markagailuan 21-19koa izan arte ez du lortu; Artola eta Mariezkurrena 21-20 hurbildu dira, baina hurrengo tantoan Aspekoek garaipena lortu dute, 22. tantoa eginda (22-20).
Nafarroa Arenan giro ikusgarria zela, gorriek bizi-bizi ekin diote finalari, eta lehenengo lau tantoak egin dituzte. Artolak, erremate bikaina eginda, urdinen aurrenekoa egin du, baina Rezustaren horma-biko eder batek berriro eman dio sakea Ezkurdiari. Arbizuarra eta bergararra ari ziren nagusitzen kantxan, baina Mariezkurrenak pilotakada bikaina eman du urdinen hirugarren tantoan; Rezustak, errebotetik, ez du eramaterik izan.
Artola eta Mariezkurrena bi tantora jarri dira (6-8), baina hurrengo tantoan pilota gora joan zaio Berriozarko atzelariari, eta Ezkurdiak eta Rezustak aurkarien bolada ona eten dute, urdinek hiru tanto jarraian egin baitituzte. Handik gutxira, urdinak bi tantora jarri dira berriro, baina gorriek, beste behin, aldeari eutsi diote (11-8).
Partidako une horretan, Joseba Ezkurdiak eta Beñat Rezustak sendotu egin dute abantaila, eta 14-8koa ere egin dute. Iñaki Artolaren eta Jon Mariezkurrenaren erreakzioa etorri da ondoren, lau tanto bata bestearen atzean eginda, eta joko bizi-bizia erakutsita. Gorriak 14-12 nagusitzen ari zirenean, Mariezkurrena horma-bikoa egiten saiatu da; pilota kanpora joan zaio, ordea, eta Ezkurdiak eta Rezustak sakea berreskuratu dute.
Finala une erabakigarrian sartu denean, gorriak 17-14 goitik zirela, Artolak eta Mariezkurrena II.ak 15. tantoa egin dute (17-15), eta bira ipini dira berriro. Ezkurdiak eta Artolak beste bi egin dituzte (19-15), eta bergararrari gora joan zaio pilota hurrengo tantoan (19-16).
Gorriak 20-17 gailentzen ari zirenean, Mariezkurrenak ezin izan du eraman Ezkurdiaren sakea (21-17), eta arbizuarrak eta Rezustak tanto bakarrera zuten txapela. Artolak eta berriozartarrak ez dute amore eman, eta emozioa jarri dute, markagailuan 21-20koa jarrita. Azkenean, Jon Mariezkurrenak ezin izan du pilota eraman (22-20), eta horrela amaitu da finala, gorriak txapeldun zirela.
Markagailua, tantoz tanto:
1-0/2-0/3-0/4-0/4-1/5-1/6-1/7-1/7-2/7-3/8-3/8-4/8-5/8-6/9-6/10-6/10-7/10-8/11-8/12-8/13-8/14-8/14-9/14-10/14-11/14-12/15-12/16-12/17-12/17-13/17-14/17-15/18-15/19-15/19-16/19-17/20-17/21-17/21-18/21-19/21-20/22-20.
Zure interesekoa izan daiteke
Binakako Txapelketako finalaurrekoak abiatuko dira asteburuan, Altuna-Ezkudia vs Elordi-Zabaleta partidarekin
Ezkurdia ondoezik, gainerako hiru pilotariek hartu dute parte astearte goizean Donostian egindako pilota-aukeraketan. Hala, Altunak, Elordik eta Zabaletak hautatu dute asteburuan erabiliko duten materiala. Emaitza- zein joko-bolada onean iritsiko dira hitzordura.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.
Altunak eta Ezkurdiak finalerdietarako txartela lortu dute, Zabala eta Martijari 22-12 irabazita
Joseba Ezkurdiak, atzelari lanetan, txapelketako bere partidarik onena egin du. Neurketaren bigarren erdian are eta nagusiago izan dira gipuzkoarra eta nafarra. Javi Zabalak eta Julen Martijak bigarren aukera bat izango dute sailkapena lortzeko.
Laso eta Albisuren marka ikaragarria, 13 garaipen 14 jardunalditan
Unai Laso eta Jon Ander Albisu sekulako ligaxka eginda iritsiko dira Binakako Txapelketako finalerdietara. Atzo 22-20 irabazita, 13 garaipen lortu dituzte 14 jardunalditan. Azken bederatzi urteetako ligaxketako markarik onena.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Landa atzelari gazteak Mariezkurrenaren lekua hartuko du play-offetan, berriozartarra lesionaturik dabil eta
Larrazabalekin batera, Jaka eta Iztuetaren aurka jokatuko du datorren ostiralean, otsailak 20, Zornotzan. Irabazten baldin badute, igandean, Arrasaten, Berriozarko atzelariaren lekua hartuko luke berriro. Neurketa horretan Zabala-Martija vs Altuna-Ezkurdia partidako bikote galtzailea izango dute aurrean.
Elordik eta Zabaletak erraz irabazi diete Jakari eta Iztuetari (13-22)
Elordik eta Zabaletak 13-22 menderatu dituzte Jaka eta Iztueta Binakako Txapelketako 14. jardunaldiako partidan, Altsasun. Bikote urdinak berriro erakutsi du txapelketako bikoterik sendoenetakoa dela, Lasok eta Albisuk osatzen duten bikotearekin batera.
Altunak eta Ezkurdiak 4. postua ziurtatu dute Larrazabal eta Eskiroz garaituta (22-15)
Altunak eta Ezkurdiak 22-15 garaitu dituzte Larrazabal eta Eskiroz Binakako Txapelketako 14. jardunaldian. Garaipen horri esker, 4. laugarren postua ziurtatu dute, eta ostegunean Zabalaren eta Martijaren aurka jokatuko dute play-offeko partida.
Zabalak eta Martijak garaipenarekin bukatu dute Binakako ligaxka (20-22)
Zabalak eta Martijak 20-22 garaitu dituzte Peña eta Imaz Binakako Txapelketako 14. Jardunaldian. Ez zegoen ezer jokoan, baina bikoteak hurrengo faserako duen sendotasuna erakutsi du.