Aizkolaritza
2025/05/22 - 21:45
Izeta VI.ak lesioa du oinean, eta ezingo du Ereñotzun aritu, igandean
Aiako aizkolariak ebaki handia du, eta, ostiralean, Donostian, ebakuntza egingo diote; izan ere, eskafoidea haustuta du, eta tendoi bat minduta. Igandean, Bigarren Mailako bigarren kanporaketa zen jokatzekoa, finalerako txartel baten bila, baina, azkenean, baja izango da.
2025/05/07 - 23:35
Luis Mari Bengoa herri kirolen sustatzaileari omenaldia egingo diote larunbatean, Asteasun
eitb.eus-en eta ETB4n izango da ikusgai, zuzenean, 18:00etatik aurrera. Bi orduko ikuskizuna izango da, eta 50 bat lagunek hartuko dute parte bertan.
2025/04/22 - 12:32
Iker Vicente bi aldiz igo da podiumera Sydneyko Munduko Txapelketan
Nafarroako aizkolaria bigarren izan da mozketa bertikaleko abiadura proban, eta zilarrezko domina bereganatu du. Horrez gain, brontzezko domina zintzilikatu du mozketa horizontaleko abiadura proban.
2025/03/16 - 15:40
Vicentek eta Saralegik irabazi dute Urrezko Aizkolarien binakako txapelketa
Iker Vicentek eta Eneko Saralegik irabazi dute Urrezko Aizkolarien binakako txapelketa. Azpeitiko Izarraitz pilotalekuan jokatu den final handian, lehengusu nafarrek beste bi bikoteek baino denbora hobea egin dute, eta 25. edizioko txapela etxera eraman dute.
2025/03/13 - 00:04
Urrezko Aizkolariak Txapelketako binakako finala, igandean, eitb.eus-en eta ETB1en
Azpeitian jokatuko dute, Izarraitz pilotalekuan, eta EITBn izango da ikusgai, zuzenean, 11:45etik. Jaialdian, Urrezko Harri-jasotzaile Txapelketa ere izango da jokoan; asteazkenean aurkeztu dute dena.
2025/03/08 - 23:55
Joxean Etxeberriak irabazi du Doneztebeko desafioa
Etxeberriak irabazi du Basozabalen kontra Donezteben jokatu duen aizkora apustua. Nafarrak gipuzkoarrak baino 5 minutu eta 6 segundo gutxiago behar izan ditu 12 kana-erdiko eta 60 ontzako 6 egurrak mozteko.
2025/03/07 - 16:32
Joxean Etxeberria: ''Arlo psikologikoak baldintzatuko du erronka''
Larunbatean, martxoak 8, Doneztebeko pilotalekuan, Jokin Urretabizkaia Basozabalek eta Joxean Etxeberriak aizkolapustua jokatuko dute. Etxeberriak nola sentitzen den kontatu digu elkarrizketa honetan.
2025/03/06 - 15:30
Jokin Urretabizkaia ''Basozabal'' gogotsu dago Etxeberriaren aurkako apustuaren atarian
Larunbat honetan egina dute hitzordua Joxean Etxeberriak eta Julen Urretabizkaia "Basozabal" azikolariek, aizkora apusturako, Donezteben. Basozabalek nola sentitzen den kontatu digu elkarrizketa honetan.
2025/01/01 - 18:27
Karmele Gisasola eta Uxue Ansorregi eta Txikia IV.a, garaile X. Urrezko Aizkolari Kopan
Finalak Asteasun jokatu zituzten, asteartean. Aizkolari Gazteen Binakakoan, Igoin Pikabea eta Beñat Senosiain nagusitu ziren; harri-jasotzean, binaka, Xabier Aranburu "Guzta" eta Paulo Azpiazu eta Lierni Osa eta Maddi Gesalaga irten ziren garaile.
2024/12/29 - 19:05
Arria V.a aurkari bila dabil apustua egiteko
Erronka martxoaren amaieran gauzatuko litzateke, Azpeitian edo Tolosan, eta Latasak eta Chiquito de Arruizek 1962an egindako apustuaren antzekoa izango litzateke.
2024/12/21 - 16:11
Sorondo, hirugarrenez garaile Donostian
San Tomas egunez, Urrezko Kopa jokatu dute. Nerea Arruti, Karmele Gisasola, Malen Barrenetxea, Lucia Orbe eta Nerea Sorondo lehiatu dira bertan. 45 ontzako bost enborrak mozten azkarrena Nerea Sorondo izan da, 14 minutu eta 49 segundoko denbora eginda.
2024/12/06 - 23:26
Txikia IV.a, Gisasola-Ansorregi eta Pikabea-Senosiain izango dira Urrezko Aizkolarien finalean
Urrezko Aizkolarien Kopako kanporaketak jokatu dira Mallabian. Maila nagusian, Txikia IV.ak (Julen Alberdi) lortu du finalerako txartela; emakumezkoen binakakoan, Karmele Gisasola eta Uxue Ansorregi nagusitu dira; eta gazteen mailan, berriz, Igoin Pikabea eta Beñat Senosiain.
2024/11/17 - 16:38
Kanako enborra 43 minutuan bota du Nerea Arrutik
Nerea Arrutik marka ezarri du aizkolaritzan. Euskadiko txapeldunak 108 ontzako enborra bota du Hernanin. Neurri horretako enbor bat ebaki duen aurreneko emakumea da.
2024/11/15 - 21:58
Iker Vicente, Nafarroako txapeldun hamargarrenez
Iker Vicentek Mikel Mindegiaren errekorra berdindu du Nafarroako txapelketa hamargarrenez irabazita. Mindegiak berak jantzi dio txapela Otsagabiko aizkolariari. 31 minutu eta 54 segundo behar izan ditu lanak amaitzeko, iaz baino 3 minutu eta 19 segundo gehiago.
2024/11/05 - 15:26
Iker Vicentek txapelak irabazten jarraitu nahi du
Iker Vicente aizkolaria markak apurtzen ari da. Astebetean, Euskal Herriko Txapelketako eta Urrezko Aizkolariak irabazi ditu. Orain, Nafarroako Txapelketa irabaztea du helburu, eta, gero, atseden hartzeko garaia izango du.
2024/11/01 - 16:03
Urrezko aizkolarien finalean, Iker Vicente buru
Iker Vicentek irabazi du Urrezko Aizkolarien txapeldunen ligako finala. Bera zen faborito eta aurreikuspen guztiak bete ditu. Otsagabikoak astebetean lortzen duen bigarren txapela da.
2024/10/27 - 16:17
Iker Vicente, Euskal Herriko txapeldun
Otsagabiarrak erraz irabazi du 2024ko Euskal Herriko Aizkolari Txapelketa, eta hirugarrenez jantzi du txapela maila gorenean.
2024/10/25 - 17:31
Iker Vicente, Euskal Herriko Aizkolari Txapelketa irabazteko faborito nagusia
Igandean jokatuko da Euskal Herriko Aizkolari Txapelketako finala, Gasteizen, eta Iker Vicente da txapela bereganatzeko faborito nagusia. Aizkolari nafarrarekin izan gara gaur.
2024/10/25 - 13:26
Euskal Herriko Aizkolari txapelketako finala, igandean, eitb.eus-en eta ETB1en
Sei aizkolari arituko dira nor baino nor gehiago Gasteizen, Iker Vicente faboritoa delarik. 12:00etan hasiko da, eta zuzenean ikusi ahalko da eitb.eus-en eta ETB1en.
2024/10/20 - 21:05
Nerea Arrutik irabazi du Lehen Mailako Emakumezkoen Aizkolari Txapelketa, hirugarrenez jarraian
Urnietako aizkolariak aurkariak baino puntu bat gorago dagoela berretsi du Elgoibarren. Egin beharreko lanak 17 minutu eta 33 segundoan amaitu ditu, bigarren sailkatuari hiru minutu eta erditik gora aterata.