Yangel Herrera berriz du soleoko lesioa, eta ziurrenik 2026ra arte ez da jokatzeko moduan izango
Yangel Herrera erdilari venezuelarrak giharretako lesioa du eskuin hankako soleoan, Realak jakitera eman duenez.
Jokalaria joan den udan heldu zen Realera, 12 milioi euroren truke, baina 90 minutu besterik ez ditu jokatu denboraldi honetan, eta ziurrenik ez du berriro jokatuko datorren urtera arte.
Bi partidatan besterik ez da izan jokatzeko moduan: Celtaren eta Sevillaren aurka. Vigon Starfelt kaleratzea probokatu zuen, eta Sevillaren aurka Oyarzabalek 1-0ekoa egiteko baliatu zuen penaltia. Talde txuri-urdinaren hamaikakoan toki finkoa izan behar zuela zirudien, baina orain arte zorte onak ez dio lagundu.
Herrera Sergio Franciscok eskatu zuen futbolari "kementsua" zen, baina 2026ra arte ezin izango du berriro zelairatu. Gironako jokalari ohia lesionatuta iritsi zen Donostiara, eta hilabete eta erdi bajan egon ondoren, hasierako minutuak Vigon jokatu zituen.
Ondoren, hasierako hamaikakoan izan zen Sevillaren aurka, baina lehen zatian lesionatu egin zen. Orain, itzultzear zegoela zirudienean, berriro min hartu du, eta ezingo dio taldeari hurrengo norgehiagoketan lagundu.
Zure interesekoa izan daiteke
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.
Ava Seelenfreund fitxatu du Realak
Kaliforniako aurrelaria Realeko jokalaria izango da 2028-2029 denboraldi amaierara arte
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.