Antoine Griezmannek Frantziako selekzioa utzi du
Antoine Griezmannek Frantziako selekzioa utziko du, jokalariak berak sare sozialetan astelehenean iragarri duenez. Realeko futbolari ohiak 137 partida jokatu ditu Frantziako selekzio absolutuarekin, eta 44 gol sartu. Griezmannek, 33 urtekoa bera, 2018ko Munduko Txapelketa irabazi zuen, Frantziarekin.
"Gaur, oso hunkituta, iragartzen dut Frantziako selekzioa utziko dudala, jokalari gisa. Hamar urte sinestezin izan dira, eta hainbat erronka, arrakasta eta une ahaztezin izan ditugu; orain, hurrengo belaunaldiari erreleboa emateko garaia da", adierazi du egun Atletico Madrilen dabilen aurrelariak. Griezmannek 2014ko martxoaren 5ean egin zuen debuta Frantziako selekzio absolutuan, Didier Deschampsen esanetara; lehen partida hartan, Frantziak Herbehereak mendean hartu eta 2-0 irabazi zuen.
"Elastiko hau janztea ohorea eta pribilegioa izan da. 2014ko martxotik aurtengo irailera bitartean, une sinestezinak bizitzeko aukera izan dut, taldekide apartekin batera. Beti gogoan izango ditugun garaipenak bizi ditugu", gehitu du Griezmannek. Irailaren 9an jokatu zuen azken partida internazional bezala, Belgika aurkari.
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.