Realak berdindu egin du Gironarekin eta puntu bat poltsikoratu du denboraldiko estreinaldian
Realak berdindu egin du Gironarekin (1-1), larunbat honetan, abuztuaren 12an, Reale Arenan jokatutako EA Sports Ligako lehen jardunaldiko partidan. Kubok sartu du neurketako lehen gola 5. minutuan, baina Dovbykek banakoa jarri du markagailuan, 72. minutuan.
Reala izan da baloiaren jabe hasiera-hasieratik eta etxeko taldearen nagusitasunak saria jaso du 5. minutuan: Kubok gola sartu du (1-0) area barrutik jaurtiketa egin eta Gironako atezaina gaindituta, Aihen Muñozen pase ona jaso ostean.
Gola sartu eta gero, agintzen jarraitu du Realak. Hala, 15. minutuan, Hernandez Maeso epaileak penaltia adierazi du txuri-urdinen alde, ustez Oyarzabali area barruan egin dioten falta batengatik, baina VAR bideoarbitraje laguntzaileak jokaldia berrikusi ostean, epaileak ez dela penaltirik egon erabaki du.
Pixkanaka, Kataluniako taldea neurketan sartzen hasi da, baina ez du abagune argirik sortu. Horrenbestez, Donostiako taldearen aldeko gol bateko errentarekin iritsi da lehia atsedenaldira.
Bigarren zatian ere erritmo bizia izan du partidak. Erasora jo du Realak, baina kosta egin zaio jokaldi arriskutsuak lotzea. Gironak lehen zatian baino maila hobea eskaini du, baino Remiro atezainak ez du lan handirik izan.
Mikel Oyarzabalek izan du neurketa guztiz erabakita uzteko aukera, baina donostiararen errematea Gazzaniga atezainak desbideratu du, gola saihestuta.
Realak ez du partida erabakita utzi, eta 2-0ekotik banako berdinketara pasatu da: Dovbykek gola sartu du (1-1) 72. minutuan, Tsygankoven erdiraketa ona bikain errematatuta.
Azken minutietan ez da golik egon, eta bi taldeek puntu bana bildu dute.
Fitxa teknikoa:
1 - Reala: Remiro; Traore (Sola, 72. min), Pacheco, Le Normand, Aihen; Zubimendi, Turrientes (Olasagasti, 79. min), Brais; Kubo (Cho, 72. min), Oyarzabal (Sadiq Umar, 72. min) eta Carlos Fernandez (Barrenetxea, 58. min).
1 - Girona: Gazzaniga; Arnau (Bernardo, 90. min), David Lopez, Blind, Miguel Gutierrez, Yan Couto (Torre, 64. min); Yangel Herrera (Ivan Martin, 85. min), Aleix Garcia, Moreira (Valery, 64. min); Tsygankov eta Stuani (Dovbyk, 64. min).
Golak: 1-0, 5. min: Take Kubo. 1-1, 72. min: Dovbyk.
Epailea: Hernandez Maeso. Txartel horiak atera dizkie Olasagasti, Sadiq, Arnau, Stuani eta Miguel Gutierrez jokalariei.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.