Realak eta Atleticok hutsean berdindu dute Monterreyn
Realak eta Atletico Madrilek golik gabe berdindu dute bart (ostegun goizaldea gurean) Monterreyn (Mexiko) jokatutako lagunarteko partida.
Imanol Alguacilek zuzentzen duen taldeak aurkariaren arean presio handia eginez ekin dio neurketari, eta Carlos Fernandezek madrildarren atzealdean sortutako nahasmena aprobetxatu du baloi bat errematatzen saiatzeko, baina Axel Witsel belgikarrak baloia kendu dio eta arriskua uxatu du.
Atleticoren erantzuna Antoine Griezmann frantziarrak Alvaro Moratari bidalitako pase luze batekin etorri da. Aurrelari madrildarra bakarrik geratu da Alex Remiro atezainaren aurrean, eta baloia loratuz saiatu da nafarra gainditzen, baina Remirok baloia desbideratu du.
Talde txuri-urdinak Ander Barrenetxea izan du lehen zatian jokalari nabarmenetakoa, baina Realaren jokoa apaldu egin da, zuri-gorriek zelaiaren erdian bost gizon jarrita.
Aurkariaren defentsako lana gainditzeko zailtasunen aurrean, txuri-urdinek geldikako jokaldi bat baliatu dute arriskua sortzeko. Hala, 38. minutuan, Kubok falta bat atera du ezker hegaletik, baloia Mikel Merinori iritsi zaio eta haren erdiraketa buruz errematatu du Carlos Fernandezek, bakarrik, baina andaluziarraren baloia langa gainetik joan da.
Bigarren zatian, bi taldeek aurpegi berri asko zelairatu dituzte: Imanolek 8 aldaketa egin ditu; Simeone argentinarrak, aldiz, erabat aldatu du hamaikakoa. Memphis Depay herbeheretarra izan da zelaian sartu denetako bat, eta hark sortu dizkio buruhausterik gehien gipuzkoarren atzealdeari bere abiadurari esker.
Gerora, 80. minutuan, epaileak penaltia adierazi du donostiarren arean. Depayk berak hartu du jaurtiketa egiteko ardura, eta Panenka erara egin du, baina Unai Marrerok (bigarren zatian sartu da Remiroren ordez) arazorik gabe harrapatu du.
Marrero izan da berriro protagonista minutu batzuk geroago, Azpeitiko atezainak bikain erantzun baitio Samu Linok buruz egindako erremateari, baloia kornerrera bidalita, eta markagailuko berdinketari eutsi diote horrela. Partida golik gabe bukatu da.
Zure interesekoa izan daiteke
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.
Ava Seelenfreund fitxatu du Realak
Kaliforniako aurrelaria Realeko jokalaria izango da 2028-2029 denboraldi amaierara arte