Realak jokalari internazionalik gabe eta ehunka jarraitzaileren aurrean ekin dio denboraldiaurreari
Realak denboraldiaurreko lehen entrenamendua egin du astelehen honetan, ehunka zaleren aurrean. Txuri-urdinen udako lehen-saioa Reale Arena futbol-zelaian izan da, Zubietako entrenamendu-instalazioetan egiten ari diren eraberritze obrengatik.
Hala, Imanol Alguacilek 26 jokalari izan ditu bere aginduetara estreinako egunean, hau da, dituen guztiak uda honetan euren selekzioekin aritu diren jokalari internazionalak izan ezik (Traoré, Pacheco, Barrenetxea, Zubimendi, Merino, Le Normand eta Take Kubo).
Horrenbestez, Realak uda honetan orain arte egin duen fitxaketa bakarra, Hamari Traoré, ezin izan da bere zaleen aurrean aurkeztu, Maliko selekzioarekin jokatu baitu Afrika Kopari dagokion Kongoren aurkako kanporaketa. Ondorioz, uztailaren erdialdean egingo du bat gainerako taldekideekin, gainerako internazionalekin batera.
David Silvak giharretako lesio bat izan zuen maiatzaren amaieran biki batean, eta lehen jardunaldiko hutsune nagusia izan da. Jokalari kanariarra gimnasioan aritu da lanean, baina badirudi prestaketa-partidetarako sasoian egongo dela.
Realak ahalegin fisiko handiko hamar jardunaldi izango ditu orain (aste honetan egunero izango dituzte entrenamenduak txuri-urdinek, igandean izan ezik), uztailaren 21ean Irunen Osasunaren aurka jokatuko duen udako lehen lagunartekoan lehiatzen hasteko zain.
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.