Realak 2-1 menderatu du Sevilla Reale Arenan, eta biribildu egin du historikoa izan den denboraldia
Realak 2-1 menderatu du Sevilla, Reale Arenan, igandean, 2022-23 denboraldiko Santander Ligako 38. eta azken jardunaldian. Brais Mendezek, 27. minutuan, eta Chok, 73.ean, sartu dituzte Imanol Alguacilen taldearen golak, eta Erik Lamelak egin du 2-1ekoa, 77. minutuan. Hala, Realak garaipena lortuta itxi du denboraldi historiko hau; izan ere, Donostiako taldea laugarren postuan sailkatu da Ligan eta Txapeldunen Ligara bueltatu da. Realak agurrik onena eman dio horrela Asier Illarramendi kapitainari (mutrikuarrak kluba utziko duela iragarri zuen orain egun batzuk).
Giro ederra izan da, eta Realak datorren denboraldian jantziko duen elastikoa estreinatu du. Brais Mendezek lehen ordu erdia bete aurretik jarri du markagailuan 1-0ekoa; galiziarrak Ander Barrenetxeak egindako jokaldia baliatu du Sevillaren area ertzetik ezkerrez jaurti eta aurreneko gola sartzeko. Ilusio handiz ospatu du Anoetak gol hori, Braisek denbora luzea baitzeraman golik sartu ezinik.
Bigarren zatian, 60. minutuan, Mikel Oyarzabalek Illarramendi ordezkatu du, eta Anoetak txalo zaparrada eman dio kapitainari; 13 minuturen buruan, Sorlothek emandako pase polita aprobetxatuz, Chok 2-0ekoa sartu du, zelairatu eta berehala. Realak gertu-gertu zuen, hortaz, azken hiru puntuak eskuratzeko helburua.
Oraindik ordu laurdena geratzen zela, Sevillak aldea murriztu du kontraeraso batean, Erik Lamelaren golarekin. Ez da beste ezertarako astirik izan, eta Realak ezin hobeto amaitu du denboraldia. Zale txuri-urdinek gogoan izango dute, Realak urte bikaina egin baitu.
Fitxa teknikoa
2 - Real Sociedad: Remiro; Gorosabel, Zubeldia, Pacheco, Rico; Zubimendi (Merino, 60. min), Illarramendi (Guevara, 60. min), Brais Mendez; Kubo (Mohamed Ali Cho, 71. min), Sorloth (Carlos Fernandez, 74. min) eta Barrenetxea (Oyarzabal, 60. min).
1 - Sevilla: Dmitrovic; Bade, Gudelj (Alex Telles, 46. min), Hormigo (Nianzou, 46. min), Montiel (Navas, 8. min); Papu (Tecatito, 68. min), Oliver Torres, Pape Gueye, Manu Bueno (Suso Fernandez, 60. min); Rafa Mir eta Lamela.
Golak: 1-0, 26. min: Brais Mendez. 2-0, 72. min: Mohamed Ali Cho. 2-1, 76. min: Lamela.
Epailea: Del Cerro Grande (Madrilgo Batzordea). Txartel horia atera die Oliver Torresi eta Hormigori.
Gertakizunak: 35.065 zale izan dira Reale Arenan. Realak pasilloa egin dio Sevillari, Europa Liga irabazi berri baitu, eta bi taldeek Del Cerro Grande omendu dute; izan ere, epailea izateari utzi dio. Gonzalo Montiel eta Zubimendi lesionatu egin dira, 8. minutuan bata eta 60.ean bestea.
Zure interesekoa izan daiteke
Realak porrota jaso du Real Madrilen aurka (4-1)
Donostiako taldeak emaitza gogorrarekin galdu du Santiago Bernabeun, talde zuriari ordubetez ondo eutsi ostean. Mbappek hat trick batekin eta Viniciusek sartu ditzute madrildarren golak, eta Sucicek egin du txuri-urdinena.
Ainhoa Moraza: “Taldeak egin duen lanarekin geratu behar gara"
Emaitza gogorra Realarentzat, Londresen aurpegia eman arren (5-2)
Aturo Ruizek zuzentzen duen taldeak gol sorta ederra jaso du Londresen Chelsearen aurka jokatutako emakumezkoen Txapeldunen Ligako aurreko faseko joaneko partidan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.