Iñaki Alkiza Realeko presidente ohia hil da, 89 urte zituela
Iñaki Alkiza Realeko presidente ohia hil da bart, 89 urte zituela, El Diario Vascok jakitera eman duenez. 1983tik 1992ra bitartean izan zen Realeko presidentea Iñaki Alkiza, eta, aurretik, 1955etik 1961era, Gipuzkoako taldeko jokalaria izan zen; presidentea izan baino lehen, halaber, Jose Luis Orbegozoren Zuzendaritza Batzan ibili zen. Orbegozo ordezkatu zuen Alkizak, eta Luis Urangak ordezkatu zuen bera. Realak 1987ko Kopa irabazi zuen, bera presidente zela.
1986-87 denboraldian lortutako titulu hori Zaragozan bereganatu zuen Realak, Romareda futbol zelaian jokatutako final historikoan. Horrez gain, Alkiza presidente zela, Realak denboraldi bikainak egin zituen: 1987-88an, Realak bigarren amaitu zuen Liga, eta Kopako txapeldunordea izan zen. 1989-90 eta 1991-92 denboraldietan, Ligan bosgarren postu ederra lortuta, talde txuri-urdina UEFA Koparako sailkatu zen. Emaitza horietako gehienak John Benjamin Toshack entrenatzaile zela erdietsi zituen Realak; Alkizak fitxatu zuen Toshack, 1985ean, Sporting Lisboatik.
Iñaki Alkizaren hainbat argazki, Realeko jokalari eta presidente izan zen garaikoak (EITB Media).
Urte haietan, futbolari handiak iritsi ziren Realera; John Aldridge, Dalian Atkinson, Oceano, Carlos Xavier eta Meho Kodro, adibidez. Halaber, Zubietako harrobian hazitako jokalari bikain asko heldu ziren lehen taldera: Bittor Alkiza semea, Imanol (egungo entrenatzailea) eta Alberto atezaina, besteak beste.
Ezinbesteko lana egin zuen Anoeta futbol zelaia gauzatzeko; hain zuzen ere, Alkizak 1992an utzi zion Realeko presidente izateari, eta taldea 1993an hasi zen Anoetan jokatzen. Horrez gain, ekarpen handia egin zuen Reala kirol sozietate anonimo bilakatzeko ere.
1979an Realeko Zuzendaritzan sartu aurretik, politikan ere ibili zen, Donostiako Udalean. Gerora, 1999tik 2003ra bitartean, Gipuzkoako Batzar Nagusietako presidentea izan zen, EAJren eta EAren hautagaitza bateratu baten buru.
Iñaki Alkizaren aldeko hileta asteazkenean egingo dute, 19:00etan, Donostiako Herrera auzoko San Luis Gonzaga parrokian.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.