Levanterekin galdu du eta garaipena lortu ezinda jarraitzen du Realak (2-1)
Jorge Frutosek amaierarako lau minuturen faltan sartutako golak puntu gabe utzi du Reala. Partida ona jokatu dute bi taldeek, erritmo bizikoa eta aukera ugarikoa, eta biek izan dute garaipena lortzeko aukera.
22. minutuan, Isakek falta bat jaurti eta 0 eta 1ekoa jarri du markagailuan, ordura arte zelaian ikusitakoari justizia eginda.
Baina pozak ez die asko iraun txuri-urdinei. Sei minutu geroago Dani Gomezek jaurtiketa egin du, Remirok urrundu eta baloia Rogerri iritsi zaio, etxekoen lehen gola egiteko. Bana markagailuan.
Bigarren zatian, Realak hobera egin du, baina hobekuntza horri ez dio etekinik atera. Levantek arriskua sortu du, eta bigarrena sartzear izan da hainbat alditan. Aukerarik argiena Moralesek izan du, baina Remirok baloia kornerrera urruntzea lortu du.
Partidako bigarren gola azken minutuetan iritsi da. Jorge de Frutosek jokaldia egin du eta baloia Remiroren atean sartu du jaurtiketa indartsua eginez. Realak ez du erreakzionatzeko astirik izan eta hiru puntuak Levanteren etxean geratu dira.
Fitxa teknikoa:
2 - Levante: Aitor Fernández, Miramón, Postigo (Rober Pier, 46. min) Vezo, Clerc, Malsa, Vuckevic (Melero, 57. min), Rochina, Morales (De Frutos, 57. min), Dani Gómez (Son, 86. min) eta Roger (Sergio León, 77. min).
1 - Real Sociedad: Remiro, Gorosabel (Bautista, 90. min+1), Zubeldia, Sagnan (Le Normand, 63. min), Aihen, Guevara (Zubimendi, 63. min), Merino, Barrenetxea (Monreal, 80. min), Marquelanz, Isak eta Portu (Willian José, 80. min).
Golak: 0-1, 22. min: Isak. 1-1, 27. min: Roger. 2-1, 87. min: De Frutos
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.