Asier Garitano: 'Onenekiko aldea murrizten saiatu behar dugu'
Realak Asier Garitano aurkeztu du taldeko hurrengo hiru urteetarako entrenatzaile berri gisa, asteazken honetan, Zubietako prentsa-aretoan eman duten prentsaurreko baten bidez. Bergarako entrenatzailearekin batera Jokin Aperrribay klubeko presidentea eta Roberto Olabe futbol zuzendaria izan dira.
Garitano "ilusionatuta" agertu da Reala entrenatzeko aukera izateagatik, eta, nabarmendu duenez, "bilatutako zerbait izan da", aspaldiko guraria baitzuen hori horrela izan zedila.
"Duela zazpi urte Orihuela entrenatzen hasi nintzenean, dagoeneko hitz egiten nuen onenekin jokatzeari buruz. Lortu egin nuen Leganesekin, baina kontratuak sinatzen nituenean, nire helburua beti zen ate ireki bat ixtea, Realarekin fitxatzeko aukera agertzen baldin bazen", aitortu du entrenatzaile gipuzkoarrak.
Behin asmo hori gorpuztuta, lau denboraldiren buruan Leganes Bigarren B mailatik Lehenengo Mailara eraman zuen entrenatzailearen esanetan, bere ideia behinena talde txuri-urdinak onenen aurka lehia dezala da, eta horretarako, haiekiko dauden aldeak "murrizten saiatu behar dugu", gaineratu du. Hala errepikatu du behin eta berriz bere agerraldian zehar.
Roberto Olabe, Asier Garitano eta Jokin Aperribay Zubietan. Argazkia: EiTB
Aperribay: "Inor ez da gurekin harremanetan jarri"
Bere aldetik, Jokin Aperribayk presidenteak ukatu egin du Real Madrilek eurekin harremanetan jarri izana Alvaro Odriozola fitxatzeko asmoz. "Inor ez da gurekin harremanetan jarri", nabarmendu du Realeko presidenteak. Ez du nahi izan "hipotesiei buruz hitz egin", eta baztertu egin du Real Madrilen eskaintzarik helduz gero, Odriozolaren kontratuan inongo klausularik dagoenik fitxaketa errazteko.
Halaber, denboraldi berriaren hasieran "jokalari guztiak bertan izatea" espero du Aperribayk, "Asier Garitanok guztiak bere aginduetara izan ditzan denboraldi-aurrean".
Zure interesekoa izan daiteke
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldeko entrenatzaile gisa duen erronkarekin. Lehen erronka bihar, asteartez, Eldenseren kontrako Errege Kopako partida irabaztea dela esan du.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.