Realak ezin izan du ezustekoa eman (2-0)
Realak porrota jaso du FC Bartzelonaren aurka (2-0) Camp Noun jokatutako 36. jardunaldiko partidan. Ez da partida erosoa izan etxekoentzat, baina azkenean hiru puntuak eskuratu dituzte.
Barçak markagailua estreinatzeko moduko hainbat gol-aukera garbi sortu ditu neurketako lehen zatian, baina Gero Rulli atezain argentinarraren geldiketak erabakigarria izan dira.
Etxeko taldea nagusi izan den arren, txuri-urdinek ordenarekin defendatu dute eta hasierako 0-0ekoari eutsi diote. Messi, Neymar, Pique eta Suarez jokalariena izan dira abagune garbienak.
Luis Enriqueren taldea indartsu zelairatu da bigarren zatian, eta Neymarrek 1-0ekoa sartu du 50.ean. Messik areara erdiratu du eta Mikel Gonzalezek baloia urrundu du Piqueren burukada saihesteko asmoz, baina baloia brasildarrari utzi dio eta honek buruz zulatu du sarea.
Baloiaren-jabetza katalanena zen, baina ez ziren errenta handitzeko gai eta horrek urduritasuna eragin die. 2-0ekoa Pedrok egin du amaierarako sei minuturen faltan. Tenerifeko jokalariak gol ederra sartu du, atzerako artaziz.
Fitxa teknikoa:
2 - Bartzelona: Bravo; Alves, Pique, Bartra (Sergio Busquets, 61'), Adriano, Mascherano, Xavi (Iniesta, 74'), Rafinha (Pedro, 85'), Messi, Neymar eta Luis Suarez.
0 - Reala: Rulli; Carlos Martinez, Mikel Gonzalez, Iñigo Martinez, De la Bella, Bergara, Ruben Pardo, Granero (Elustondo, 92'), Xabi Prieto, Canales (Chori Castro, 73') eta Vela (Finnbogason, 77').
Golak:
1-0, 52': Neymar.
2-0, 85': Pedro.
-0, 85': Pedro.Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.