Realak jipoia jaso du Madrigalen (4-0)
Realak gol-zaparrada mingarria jaso du Vila-realen aurka (4-0), Madrigalen jokatutako 14. jardunaldiko norgehiagokan.
Parekatua izan da txuri-urdinek eta Marcelinoren taldeak jokatutako lehen ordu erdia. Moyesen taldeak ondo hasi du partida, baina etxekoek minutuek aurrera egin ahala eskuratu dute baloiaren jabetza.
Luciano Viettok izan du aurreneko 45 minutuetako abagunerik onena, 10. ean. Jokalari argentinarra bakarrik geratu da Zubikarairen aurrean, Iñigo Martinezen akatsa baliatuta, baina gora bidali du baloia. Atsedenaldira heldu aurretik, Vila-real izan da nagusi, eta donostiarrek asko sufritu dute. Bruno izan da susperraldi horren gakoa.
Vila-realeak lehen zatiko nagusitasunari eutsi dio bigarrenean, eta erasoan jarraitu du. 57.ean zutoinera bidali du baloia Viettok, eta 62.ean markagailua estreinatu du Brunok, merezita. Jokalariak zuzenean jaurti du falta bat, baloia langara joan da eta Zubikarain jo eta gero marra gainditu du.
Gipuzkoarrak lur jota geratu dira, eta Vila-realek lanean jarraitu du, 2-0ekoaren bila. Eta 72.ean lortu du, Cheryshevek egindako golari esker. Ederra izan da errusiarrak ezkerrarekin sartutakoa.
Marcelinoren taldea ez da horrekin konformatu, eta Moi Gomezek hirugarren sartu du, amaierarako hamar minuturen faltan. Moik berak biribildu du markagailua, 4-0ekoa sartuta (86.ean).
Etxekoek ez dute amore eman, eta Zubikaraik birritan saihestu behar izan du bosgarrena. Realak ondo prestatu beharko du Athleticen aurka, datorren igandean, jokatu beharreko euskal derbia.
Fitxa teknikoa:
4- Vila-real: Asenjo; Mario, Gabriel, Victor Ruiz, Jaume Costa; Trigueros, Bruno (Pina, 83'), Jonathan, Cheryshev (Gerard Moreno, 81'); Vietto eta Uche (Moi Gomez, 75').
0- Reala: Zubikarai; Carlos Martinez, Ansotegi, Iñigo Martinez, De la Bella; Granero, Ruben Pardo (Chory Castro, 64); Xabi Prieto, Zurutuza (Finnbogason, 76'), Canales (Hervias, 86'); Vela.
Golak:
1-0. 63': Zubikarai, bere atean.
2-0. 72': Cheryshev.
3-0. 79': Moi Gomez.
4-0. 85': Moi Gomez.
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.