Txapeldunen Liga ahaztu eta jipoia eman dio Realak Almeriari (3-0)
Reala aise nagusitu zaio Almeriari Anoetan, eta aurtengo Ligako bigarren garaipena jarraian erdietsi du. Etxean abuztuaren 17tik zeraman irabazi gabe; orduan Getaferi gailendu zitzaion lehen jardunaldian.
Norgehiagokako lehen minutuetan, Reala erasora atera da, baina konfiantza askorik gabe. Hala ere, 13. minutuan, Griezmannek gola egin du eta txuri-urdinei gauzak alde jarri zaizkie.
Chory Castrok alboko sakea luze atera du, Prietok buruz atzera pasea egin, Griezmannek aurrea hartu die atzelariei eta baloia sarera bidali du.
Almeriak ez du atzera egin eta erraz iritsi da Claudio Bravoren inguruetara. Horietako batean, Rodrik gola egin du, baina epaileak baliorik gabe utzi du gola, jokalari andaluziarra jokoz kanpo zegoelako.
Reala aurretik izan da markagailuan, baina ez du jokoaren kontrola izan. Hala eta guztiz ere, atsedenaldia iritsi aurretik bigarrena sartzeko aukera pare bat izan dute gipuzkoarrek, Jose Angelen eta Agirretxeren arteko elkar-ulertze onari esker, baina azken metroetan ez dute asmatu.
Bigarrenean, golak eta lasaitasuna
Bigarren zatian, partida erabat aldatu da. Realak kemena atera eta bigarren gola egin du 50. minutuan. Griezmannek egin du gola, buruz berriro, Jose Angelek egindako erdiraketaren ostean. De la Bellaren ordezkoak neurketa biribila jokatu du.
Jose Angel asturiarrak egin du, hain zuzen, txuri-urdinen hirugarrena, 55. minutuan. Jokaldi pertsonala egin du Almeriaren arean, eta jaurtiketa bortitz baten bidez gainditu du Esteban atezaina.
Azken minutuetan, bi taldeek izan dituzte aukerak, baina ez dute asmatu eta markagailuan ez da aldaketarik izan. Bukaeran, Reala nagusi 3 eta 0: urrezko hiru puntu Jagoba Arrasateren gizonentzat.
Fitxa teknikoa:
3.- Reala: Bravo; Carlos Martínez, Iñigo Martínez, Mikel, José Ángel; Bergara (Ros, 69. min.), Xabi Prieto, Rubén Pardo; Griezmann (Seferovic, 75. min.), Chory Castro (Carlos Vela, 80 min.) eta Agirretxe.
0.- Almera: Esteban; Torsiglieri, Trujillo, Raúl García (Oscar Díez, 53. min.), Dubarbier; Rafita, Ramón Azzez, Verza, Aleix; Rodri (Barbosa, 53. min.) eta Soriano (Tébar, 72. min.).
Epailea: Fernando Teixeira Vitienes (kantabriarra). Txartel horia atera die Rubén Pardo, Torsiglieri eta Rafita jokalariei.
Golak: 1-0, 12. min.: Griezmann. 2-0, 50. min.; Griezmann. 3-0, 55. min.: José Ángel.
Zure interesekoa izan daiteke
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.