Reala, Old Traffordeko erronkarako prest
Realak partida historikoa jokatuko du Old Trafforden, Manchester Uniteden kontra. Ingalaterrako taldea bolada kaskarrean murgilduta dago (azkenengo sei partidetatik soilik bi irabazi ditu), eta txuri-urdinek puntuak behar dituzte Txapeldunen Ligan bizirik jarraitzeko. Arrasateren gizonak ez dira bakarrik egongo Manchesterren, 6.000 zale txuri-urdin inguru joan baitira taldea babestera.
Gipuzkoako taldeak garaipen garrantzitsua lortu zuen ligan, Valentziaren aurka (1-2), eta hiru puntuek jokalariei konfiantza eman diete ia bi hilabete garaipenik lortu gabe eman ondoren. Hala ere, Realak bi porrot jaso ditu Txapeldunen Ligan, Shakthar Donetsken eta Bayer Leverkusenen kontra, eta A multzoko azkenengo postuan dago. Hurrengo faserako sailkatzea lortzeko, txuri-urdinek puntuak lehenbailehen behar dituzte.
Xabi Prietok minutu batzuk jokatu zituen Valentzian, eta kapitainak hasieratik jokatu lezake Old Trafford estadioan.
Jagoba Arrasate bizkaitarrak hamaikako onena zelairatuko du Manchester Uniteden aurka. Dani Estrada eta Gorka Elustondo deialditik at gelditu dira, lesionatuta baitaude, Diego Ifran eta Esteban Granero bezala.
'Deabru gorriek', berriz, garaipena lortu behar dute zaleen aurrean, bolada txarra atzean uzteko. Manchester Unitedek A multzoko lidergoa sendotu nahi du, eta, horretarako, Reala gainditu beharko du. Premier Leagueko azkenengo lau partidetatik bakarra irabazi dute Moyesen gizonek, eta Txapeldunen Ligan ez dute punturik galdu nahi.
Ustezko hamaikakoak:
Manchester United: De Gea, Rafael, Evra, Welbeck, Jones, Evans, Giggs, Carrick, Van Persie, Rooney eta Smalling.
Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza, Xabi Prieto; Griezmann, Vela eta Seferoric.
Epailea: Bas Nijhuis (Herbehereak)
Zure interesekoa izan daiteke
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.