Realak porrotarekin ekin dio Txapeldunen Ligari
Realak porrotarekin ekin dio Txapeldunen Ligako multzoen faseari. Shakhtar Donetsken aurka 0-2 galdu du talde txuri-urdinak Anoetan. Realaren multzoko beste partidan, Manchester Unitedek 4-2 irabazi dio Bayer Leverkuseni.
Erasokor zelairatu da Reala, eta lehen minutuetan gola sartzeko abaguneak izan ditu talde txuri-urdinak. Griezmannek jaurtiketa ona egin du lehen minutuan, baina Piatov atezainaren erantzuna ere ona izan da. Hurrengo jokaldian Xabi Prietoren errematea harrapatu du Shakhtarreko atezainak. Realeko erdilariaren errematea ez da txarra izan, baina erdiregi atera zaio. Etxeko taldea izan da nagusi lehen minutuetan, eta Shakhtar ezinean ibili da.
Erritmo biziarekin ekin dio Realak norgehiagokari, baina Shakhtarrek norgehiagokak lehen minutuetan izan duen erritmo bizia gelditzen jakin du. Ondorioz, neurketa parekatu egin da. 25. minutra arte, bi taldetako batek ere ez du abagunerik sortu, baina minutu horretan Velak gola sartzeko aukera paregabea galdu du. Griezmannek pase dotorea eman dio, eta errematea egitera joan denean defentsa bat gurutzatu zaio baloia kornerrera bidaltzeko. Korner horretan, Realak beste abagune bat izan du. Baloia Xabi Prietori iritsi zaio, eta kapitainaren jaurtiketa gora joan da. 41. minutuan etorri da partidako jokaldi polemikoa. Xabi Prietori falta egin diote area ertzean. Zaleek penaltia eskatu dute, baina epaileak asmatu egin du, eta falta area kanpoan izan dela adierazi du. Shakhtarrek ez du abagune argirik sortu lehen zatian, eta partida golik gabe iritsi da atsedenaldira (0-0).
Bigarren zatian Shakhtar izan da erasokor zelairatu dena, eta lehen minutuetan arriskua sortu du Realaren ate inguruan. Talde txuri-urdinak, ordea, azkar erantzun du, eta abaguneak sortzen hasi da.
Seferovicek abagune ezin hobea izan du 62. minutuan. Iñigo Martinezek pase bikaina eman dio Realeko aurrelariari, baina honek ez du Pyatov atezainaren aurrean asmatu. Shakhtarreko atezaina bikain ibili da. Abagune argi hau huts egin, eta 65. minutuan Shakhtarrek ez du barkatu. Douglas Costak pase dotorea eman dio orpoz Alex Teixeirari, eta Shakhatarreko erdilariak 0-1ekoa sartu du.
Gola hartuta, Realari kosta egin zaio erreakzionatzea, eta ez dute abagunerik sortu 77. minutura arte. De la Bellaren erdiraketa bat pozoindu egin da, eta Pyatovek lanak izan ditu baloia aldentzeko. Ondoren, Velak egindako erremateak langa jo du. Talde txuri-urdinak berdinkatearen bila jo du azken minutuetan, eta Shakhtar horretaz baliatu da partida erabakita uzteko. Teixeirak 0-2koa sartu du 87. minutuan, eta garaipena eman dio bere taldeari.
Fitxa teknikoa:
0 - Reala: Bravo; Estrada, Mikel Gonzalez, Iñigo Martinez, De la Bella; Markel Bergara, Pardo (Granero, 81. min), Xabi Prieto; Griezmann (Castro, 73. min), Seferovic (Agirretxe, 68. min) eta Vela.
2 - Shakthtar Donestsk: Pyatov; Shevchuk, Kucher, Rakitskiy, Srna; Fernando (Fred, 86. min), Hubschman (Stepanenko, 66. min), Douglas Costa (Bernard, 75. min), Alex Teixeira; Taison eta Luiz Adriano.
Golak: 0-1, 65. min: Alex Teixeira. 0-2, 86. min: Alex Teixeira
Epailea: Ovidiu Hategan.
Zure interesekoa izan daiteke
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.