Realak ezin izan du Southampton gainditu (4-3)
Realak gogor borrokatu du denboraldiaurreko azkenengo lagunartekoa, baina Southamptonek garaipena eskuratu du (4-3). Txuri-urdinek akats Larica egin dituzte defentsan, eta Pochetinoren gizonek ederki aprobetxatu dituzte. Hala ere, nahiz eta porrota jaso Jagoba Arrasatek zuzendutako taldeak aurpegia eman du, 90 minutuetan.
Southamptonek azkart lortu du aurreneko gola (Lallana), eta Realak asko sufrituko zuela zirudien. Hala ere, txuri-urdinek erasoan ondo jokatu dute, eta Elustondok 1-1ekoa jarri du markagailuan.
Ingalaterrako taldeak, berriz ere aurrea hartu du, baina Velak berdinketaren gola egin du (2-2). Atsedenaldia heldu aurretik Pochetinoren gizonek hirugarren gola lortu dute.
Haris Seferovic suitzarrak 3-3koa egin du, bigarren zatian, eta partida zoratu egin da. Neurketako azkenengo minutuetan Jason Puncheonek garaipenaren gola eskuratu du.
Fitxa teknikoa:
4.- Southampton: Boruc; Chambers, Lovren, Hooiveld, Shaw; Wanyama, Schneiderlin, Lallana, Guly; Rodriguez eta Lambert. Bigarren zatian: Kelvin, Fonte, Ramírez, Fox Joshida, James, Lloyd, Mayuka eta Puncheon.
3.- Reala: Bravo; Sangalli, Ansotegi, Cadamuro, De la Bella; Elustondo, Ros, Xabi Prieto; Vela, Seferovic eta Chory Castro. Bigarren zatian: Iñigo Martinez, Zurutuza, Ruben Pardo, Agirretxe, Gaztañaga.
Golak: 1-0, 7. minutuan: Lallana. 1-1, 29. minutuan: Elustondo. 2-1, 33. minutuan: Schneiderlin. 2-2, 38. minutuan: Vela. 3-2, 41. minutuan: Hooiveld. 3-3, 59. minutuan: Seferovic. 4-3, 83. minutuan: Puncheon.
Zure interesekoa izan daiteke
Ibai Aguirrek 2031ra arte berritu du Realarekin
19 urteko Mutrikuko jokalariak, denboraldi honetan Sanserekin Bigarren Mailan jokatu duenak, debuta egin du jada lehen taldearekin
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.