Zenit eta Arsenal, zozketako aurkari arriskutsuenak
Realaren aurkaria, Txapeldunen Ligako atarikoan, Zenit, Milan, Arsenal, Schale 04 edo O. Lyon izan daiteke, ostiraleko zozketan. Pasa den denboraldian egindako lan bikainari jarraipena emateko, txuri-urdinek bihar ezagutuko dute arerioa. Joaneko norgehiagokak abuztuaren 20-21ean jokatuko dira, eta itzulerakoak astebete geroago.
Bost taldeetatik, aurkari indartsuena San Petersburgoko Zenit dela esan daiteke. Errusiako taldeak ligako lau neurketa jokatu ditu (bi garaipen, berdinketa bat eta porrot bakarra), eta txapelketa ofizialetan minutu gehiago jokatu dituena da. Gainera, Txapeldunen Ligako atarikora sailkatzeko, Nordsjaelland 5-0 jipoitu zuen asteazkenean. Hulk eta Arshavin dira Zeniteko izarrak.
Arsene Wengerrek zuzendutako Arsenal taldea ere, aurkari oso arriskutsua izan daiteke. Londreseko taldea Txapeldunen Liga jokatzen ohituta dago, eta aurten multzoetako fasera sailkatzea helburu nagusia izango da. Monreal, Koscielny, Sagna edo Vermaelenek defentsa oso sendoa osatzen dute, eta erasoan Mikel Artetak, Santi Cazorlak edo Walcottek bizitasuna ematen diote jokoari.
Milan emaitzei dagokionez ez dago bere sasoi onenean, baina Italiako taldeak zazpi auditan irabazi du Europako Txapelketa. Allegriren gizonek talde oso fisikoa, sendoa osatzen dute, baina erasoan kalitate handiko jokalariak ditu. Balotelli, Montolivo, Nocerino edo El Shaarawy norgehiagoka bat erabakitzeko gai dira.
Olimpique Lyon Europako txapelketako beste klasiko bat da, baina azkenengo urteetan taldeko izarrek alde egin dute. Frantziako klubak jokalari beteranoak (Reveillere kapitaina) eta gazteak batzen ditu, eta bere arma nagusia Gourcuffek eta Gomisek osatzen duten bikotea da. Hala ere, Remy Garderen taldea zozketako xumeenetarikoa izango da, Schalkerekin batera.
Alemaniako taldeak Europa Ligan gehiago borrokatu du Txapeldunen Ligan baino, azkenengo urteetan. Schalke 04 taldeak azken denboraldietako bizkarrezurra mantentzen du, eta gizon arriskutsuenak Farfan peruarra eta Huntelaar holandarra dira, erasoan. Defentsan, Howedes kapitainak eta Papadopoulos gazteak sendotasuna ematen diote taldeari.
Zure interesekoa izan daiteke
Arturo Ruizek Realeko entrenatzaile kargua utzi du
Emakumezkoen taldeko teknikariak bere kontratuan aurreikusitako kalte-ordaina ordainduko du bere irteera gauzatzeko.
?fmt=webp-alpha&qlt=80)
Reala vs Chelsea, zuzenean, EITBn
Irailaren 2an jokatuko den neurketa streaming bidez izango da ikusgai, kirolakeitb.eus atarian eta ETBONen, eta telebistaz, ETB1en, 19:00etatik aurrera, Zubietatik.
Mamadou Sarr Donostian dago, Realarekin bat egiteko
Mamadou Sarr atzelari frantziarra Donostiara iritsi da, mediku-azterketa egin eta Realarekin hasteko. Chelseak utzita dator, denboraldi baterako.
Remiro, Real Madrilen aurkako porrotaren ostean: “Lehen zatian, oso ondo lehiatu gara”
Alex Remiro Realeko atezainak Real Madrilen aurkako porrota (4-1) aztertu du, neurketa amaitutakoan.
Realak porrota jaso du Real Madrilen aurka (4-1)
Donostiako taldeak emaitza gogorrarekin galdu du Santiago Bernabeun, talde zuriari ordubetez ondo eutsi ostean. Mbappek hat trick batekin eta Viniciusek sartu ditzute zurien golak, eta Sucicek egin du txuri-urdinena.
Ainhoa Moraza: “Taldeak egin duen lanarekin geratu behar gara"
Emaitza gogorra Realarentzat, Londresen aurpegia eman arren (5-2)
Aturo Ruizek zuzentzen duen taldeak gol sorta ederra jaso du Londresen Chelsearen aurka jokatutako Txapeldunen Liga aurreko faseko joaneko partidan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.