Realak puntu bakarra lortu eta Txapeldunen Ligako postua galdu du
Realak puntu bat lortu du Real Madrilen aurka hiruna (3-3) berdinduta, eta Valentziak Granadari 1-0 irabazi dionez, laugarren postutik at geratu da jardunaldi honetan. Txapeldunen Ligako postuan dago Valentzia orain, eta bi puntuko aldea du Valverdek zuzentzen duen taldeak. Dena den, Txapeldunen Ligarako txartela, azken jardunaldian erabakiko da.
Realak gogotsu ekin dio partidari, baina hasieran izan dituen abaguneak ez ditu sare barrura bidali, eta Real Madrilek gola sartu du partidan izan duen lehen abagunean. Seigarren minutuan Gonzalo Higuainek 0-1ekoa sartu du. Maldan gora jarrai zaio partida Realari, baina txuri-urdinek berdinketaren bila joaten saiatu dira. Diego Lopezek Realaren abagune argiak atera ditu, eta Real Madrilen jokatzeko maila duela argi utzi du Anoetan. Norgehiagoka Real Madrilen aldeko 0-1ekoarekin iritsi da atsedenaldira.
Bigarren zatian Real Madril sendo eta erasokor atera da. Reala, aldiz, urduri egon da bigarren zatiko lehen minutuetan. 57. minutuan Callejonek 0-2koa sartu du, eta aldi berean Valentziak gola sartu du Granadaren aurka. Albisteak txarrak izan dira Realarentzat une horretan, baina talde txuri-urdinak ez du etsi. Ekinaren ekinaz, Realak aldeak murriztea lortu du 64. minutuan. Xabi Prietok penaltiz sartu du 1-2koa, eta berdinketa lortzeko gogoak berpiztu ditu. Real Madril kontraerasora ateratzeko zain geratu da, eta Realak abaguneak sortzen jarraitu du. Ondorioz, 78. minutuan Griezmannek berdinketaren gola sartu du (2-2), baina pozak ez die asko iraun Realeko jokalariei. Bi minutu beranduago, Khedirak 2-3koa sartu du Bravo kalitate handiz gaindituta.
Real Madrilen hirugarren golarekin guztiz maldan gora jarri zaio norgehiagoka Realari, baina Montanierrek zuzentzen duen taldeak ekinean jarraitu du amaierara arte, eta 93. minutuan saria jaso du Xabi Prietok sartu duen golari esker (3-3). Azkenean, puntu bat urratu dute txuri-urdinek.
Fitxa teknikoa:
3. Reala: Bravo; Carlos Martinez, Iñigo Martinez, Mikel, De la Bella; Illarramendi (Zurutuza, 59. min), Bergara (Jose Angel, 81. min), Xabi Prieto; Castro (Ifran, 70. min), Griezman eta Agirretxe.
3. Real Madril: Diego Lopez; Essien, Albiol, Carvalho, Arbeloa; Marcelo (Nacho, 85. min), Khedira, Modric; Kaka (Di Maria, 67. min); Callejon (Ozil, 70. min) eta Higuain.
Epailea: Gonaález Gonzalez. (Castilla- León).
Golak; 0-1, 6. min: Higuaín. 0-2, 57. min: Callejon. 1-2, 63. min: Xabi Prieto, penaltiz. 2-2, 78. min: Griezmann. 3-2, 80. min: Khedira. 3-3, 93. min: Xabi Prieto.
Zure interesekoa izan daiteke
Arturo Ruizek Realeko entrenatzaile kargua utzi du
Emakumezkoen taldeko teknikariak bere kontratuan aurreikusitako kalte-ordaina ordainduko du bere irteera gauzatzeko.
?fmt=webp-alpha&qlt=80)
Reala vs Chelsea, zuzenean, EITBn
Irailaren 2an jokatuko den neurketa streaming bidez izango da ikusgai, kirolakeitb.eus atarian eta ETBONen, eta telebistaz, ETB1en, 19:00etatik aurrera, Zubietatik.
Mamadou Sarr Donostian dago, Realarekin bat egiteko
Mamadou Sarr atzelari frantziarra Donostiara iritsi da, mediku-azterketa egin eta Realarekin hasteko. Chelseak utzita dator, denboraldi baterako.
Remiro, Real Madrilen aurkako porrotaren ostean: “Lehen zatian, oso ondo lehiatu gara”
Alex Remiro Realeko atezainak Real Madrilen aurkako porrota (4-1) aztertu du, neurketa amaitutakoan.
Realak porrota jaso du Real Madrilen aurka (4-1)
Donostiako taldeak emaitza gogorrarekin galdu du Santiago Bernabeun, talde zuriari ordubetez ondo eutsi ostean. Mbappek hat trick batekin eta Viniciusek sartu ditzute zurien golak, eta Sucicek egin du txuri-urdinena.
Ainhoa Moraza: “Taldeak egin duen lanarekin geratu behar gara"
Emaitza gogorra Realarentzat, Londresen aurpegia eman arren (5-2)
Aturo Ruizek zuzentzen duen taldeak gol sorta ederra jaso du Londresen Chelsearen aurka jokatutako Txapeldunen Liga aurreko faseko joaneko partidan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.